రామ్‌చ‌ర‌ణ్‌ 'ధృవ' పాటలు వచ్చేశాయ్ !

నవంబర్ 9న 'ధృవ' ఆడియోను విడుదల చేస్తామని ముందుగా ప్రకటించినట్లుగానే నేడు ఈ సినిమా ఆడియోని విడుదల చేశారు. మొత్తం నాలుగు పాటలు ఉన్నాయి. ఈ సినిమాకి తమిళ మ్యూజిక్ డైరెక్టర్ హిప్‌హాప్ తమీజా సంగీతం అందించారు.




మెగాప‌వ‌ర్‌స్టార్ రామ్‌చ‌ర‌ణ్‌ తేజ్, ర‌కుల్‌ప్రీత్ సింగ్ జంట‌గా గీతాఆర్ట్స్ బ్యాన‌ర్‌‌లో, డైరెక్ట‌ర్ సురేంద‌ర్ రెడ్డి ద‌ర్శ‌క‌త్వంలో `ధృవ` సినిమా రూపొందుతోంది. ఈ సినిమాలో సీనియర్ నటుడు అరవింద్ స్వామి విలన్ పాత్రలో నటిస్తున్నారు. తమిళంలో సూపర్ హిట్ అయిన 'తని ఓరువన్' సినిమాకి రీమేక్‌‌గా ఈ చిత్రాన్ని తెరకెక్కించారు.

ఎలాంటి వేడుక జరపకుండానే 'ధృవ' పాటలను మార్కెట్లో విడుదల చేశారు. డిసెంబర్ తొలి వారంలో 'ధృవ' సినిమాను విడుదల చేయాలని భావిస్తున్నారు. విడుదలకు ముందు రెండు ప్రీరిలీజ్ ఈవెంట్ లను విజయవాడలో మరియు వరంగల్‌‌లో ప్లాన్ చేశారు.