'సై.. రా'లో రామ్ చరణ్ పాత్ర ఇదే!

చిరంజీవి 151వ చిత్రంగా 'సై.. రా నరసింహారెడ్డి' చిత్రాన్ని రూపొందిస్తోన్న సంగతి తెలిసిందే. ప్రస్తుతం ఈ సినిమాకు సంబంధించిన సెట్‌వర్క్ పనులు జరుగుతున్నాయి. అవి పూర్తయిన వెంటనే సినిమా రెగ్యులర్ షూటింగ్ మొదలవుతుంది. అయితే చాలా కాలంగా ఈ సినిమాలో చిరుతో పాటు రామ్‌చరణ్ కూడా కనిపిస్తాడనే మాటలు వినిపిస్తున్నాయి. తాజా సమాచారం ప్రకారం ఈ సినిమాలో రామ్‌చరణ్ పాత్ర కచ్చితంగా వుంటుందని తెలుస్తోంది.

చిరంజీవి ఉయ్యాలవాడ నరసింహారెడ్డి పాత్రలో కనిపిస్తుండగా.. రామ్ చరణ్ ఒక రాజు పాత్రలో కనిపిస్తాడని సమాచారం. స్వాతంత్ర్యం కోసం పోరాడే ఉయ్యాలవాడకు వెన్నుదండుగా రామ్ చరణ్ పాత్ర ఉంటుందని సమాచారం. రామ్‌చరణ్ కనిపించబోయే రాజు పాత్ర కోసం ప్రత్యేకంగా కాస్ట్యూమ్స్‌ను డిజైన్ చేస్తున్నట్లు తెలుస్తోంది. ఆయన లుక్ కూడా కొత్తగా ఉంటుందని చెబుతున్నారు.

చిరు నటించిన 150వ సినిమాలో కూడా చరణ్ ఓ పాటలో కనిపించాడు. ఈసారి ఏకంగా ఒక పాత్రను దక్కించుకున్నాడు. ఈ సినిమాను రామ్ చరణ్ దాదాపు 150 కోట్ల బడ్జెట్‌తో తెరకెక్కిస్తున్నాడు. సురేందర్ రెడ్డి డైరెక్ట్ చేస్తోన్న ఈ సినిమాకు ఏ.ఆర్.రెహ్మాన్ మ్యూజిక్ కంపోజ్ చేస్తున్నారు.