RGV: బిగ్ బాస్ చూడను కానీ అరియానాను వదిలేదే లేదు.. మనసులో మాట బయటపెట్టి షాకిచ్చిన వర్మ

తన ముందు ఎవ్వరున్నా.. ఎవ్వరేమనుకున్నా, అది ఇంటర్వ్యూ అయినా, పబ్లిక్ మీట్ అయినా మనసులో మాటను నిర్మొహమాటంగా బయటపెట్టడం ఒక్క వర్మకే చెల్లుతుందని చెప్పడంలో అతిశయోక్తి లేదు. తనకేదనిపిస్తే అది వెంటనే చెప్పేయడం ఆయనకు అలవాటు. అందుకే ఆయన మాట్లాడిన మాటలు సెన్సేషన్ అవుతుంటాయి. ఈ నేపథ్యంలోనే తాజాగా జరిగిన ఓ ఇంటర్వ్యూలో బిగ్ బాస్ బ్యూటీ అరియానాపై తన మనసులో మాట బయటపెట్టారు వర్మ.

'బిగ్ బాస్ చూడను కానీ అరియానాను వదలను' అంటూ వర్మ చేసిన కామెంట్ సెన్సేషన్ అవుతోంది. గతంలో అరియానాతో ఓ ఇంటర్వ్యూలో పాల్గొన్న రామ్ గోపాల్ వర్మ.. మీకు ఏ అమ్మాయిని చూస్తే వావ్! అనిపిస్తుంది అని అడిగితే 'నువ్వే' అని సమాధానం ఇచ్చి షాకిచ్చిన సంగతి తెలిసిందే. అంతేకాదు నిన్ను బికినీలో నిన్ను చూడాలని ఉందంటూ సంచలనం సృష్టించారు. దీంతో ఒక్కసారిగా సోషల్ మీడియాలో అరియానా పేరు మారుమోగి ఆమెకు ఫుల్ పాపులారిటీ వచ్చేసింది. అదే పాపులారిటీతో బిగ్ బాస్ 4లో ఛాన్స్ పట్టేసిన అరియానా స్ట్రాంగ్ కంటిస్టెంట్‌గా కొనసాగుతోంది.

Also Read: జబర్దస్త్ కమెడియన్‌పై కిడ్నాప్ కేసు.. బలవంతంగా కారులో ఎక్కించుకొని! అసలేం జరిగిందంటే..

ఈ నేపథ్యంలో తాజా ఇంటర్వ్యూలో మరోసారి అరియానా టాపిక్ రావడంతో ఆమెను వదిలేదే లేదని డైరెక్టుగా చెప్పేశారు వర్మ. అస్సలు బిగ్ బాస్ కాన్సెప్టే తనకు తెలియదని, బిగ్ బాస్ చూడనని చెప్పిన ఆయన.. ఈ షోలో ఉన్న అరియానాతో సినిమా తీయడం మాత్రం పక్కా అని చెప్పారు. దీంతో వర్మ చేసిన ఈ కామెంట్ వైరల్ అవుతోంది. ఇకపోతే మరో రెండు వారాల్లో బిగ్ బాస్ 4 కూడా పూర్తికానుంది కాబట్టి వర్మతో అరియానా రెడీ అంటుందా.. లేదా? అనేది చూడాలి మరి.