ఖర్మరా వర్మా: ‘తొడలు-తుపాకులు’ ఈ పోస్టరేంటి?

రామ్ గోపాల్ వర్మ.. ఎవరెన్ని అనుకున్నా తాను అనుకున్నది అనేస్తాడు.. తీయాల్సింది తీసేస్తాడు. ఇందులో ఎన్ని కాంట్రవర్శిలో వస్తే నాకు అంత మంచిదని కుండబద్దలు కొట్టేస్తాడు. తాజాగా ఈయన ‘గన్స్ అండ్ థైస్’(తుపాకులు, తొడలు) పేరుతో వెబ్ సిరీస్‌ను స్టార్ట్ చేసి ట్రైలర్‌ను వదిలాడు

ఇటీవల రిలీజ్ అయిన ఈ ట్రైలర్‌లో హీరోయిన్‌ను పూర్తి నగ్నంగా చూపించడంతో పాటు జుగుప్సాకరమైన క్రైమ్ సీన్స్‌ను చూపించి అందరికీ షాక్ ఇచ్చాడు. ఈ ట్రైలర్ సంగతి పక్కన పెడితే తాజాగా వర్మ ‘గన్స్ అండ్ థైస్’ పేరుతో ఇన్ స్టాగ్రామ్‌లో రిలీజ్ చేసిన ఓ పోస్టర్ ట్రైలర్‌ను మించిన రేంజ్‌లో ఉండి సోషల్ మీడియాలో హల్ చల్ చేస్తుంది.

నాలుగు మూలలకు నాలుగు గన్స్‌ను గురిపెడుతూ.. మరోవైపు నలుగురు అమ్మాయిలు తమ తొడలను నాలుగు మూలలకు గన్స్‌తో పోటీ పడి గురిపెట్టినట్టు ఉన్న ఈ పోస్టర్ ‘గన్స్ అండ్ థైస్’ టైటిల్ ఫర్ఫెక్ట్ సూట్ అయిపోయింది. అయితే ఇది ఫ్యాన్ మేడ్ పోస్టర్ మాత్రమే అని గన్స్ అండ్ థైస్‌కు ఈ పోస్టర్‌కు ఎలాంటి సంబంధం లేదని వర్మ తెలిపారు. అయితే ఈ ఫ్యాన్ మేడ్ పోస్టర్ తయారు చేసిన వారి ప్రయత్నాన్ని అభినందిస్తున్నా అంటూ ఈ ఫ్యాన్ మేడ్ పోస్టర్‌కు వర్మ కామెంట్ చేశారు.