పవన్‌కు మళ్లీ సారీ.. ఆ కార్టూన్ నాది కాదు: వర్మ

శ్రీరెడ్డి వర్సెస్ పవన్ ఫ్యాన్స్‌గా మొదలైన వార్... ఇప్పుడు రాంగోపాల్ వర్మ వైపు మళ్లింది. శ్రీరెడ్డి వెనుక ఉంది తానేనని వర్మ చెప్పడంతో పవర్ స్టార్ అభిమానులంతా అతడ్నే టార్గెట్ చేస్తున్నారు. ముఖ్యంగా సోషల్ మీడియా పోస్ట్‌లతో ఆర్జీవీని కార్నర్ చేశారు. అయితే ఇదే క్రమంలో ఓ నెటిజన్ పోస్ట్ చేసిన కార్టూన్‌ వైరల్‌గా మారింది. ఇది పవన్ ఫ్యాన్స్‌కు కోపం తెప్పించిందో ఏమో... వర్మ మళ్లీ స్పందించాడు. మీడియాలో చూపించిన ద్రౌపది, శ్రీకృష్ణలున్న కార్టూన్ తనది కాదని... అది ఎవరో వాట్సాప్‌లో షేర్ చేశారంటూ ట్వీట్ చేశాడు. అలాగే అంతకుముందు చేసిన ట్వీట్‌లో పవన్‌కు, అభిమానులకు, ఆయన కుటుంబ సభ్యులకు మరోసారి క్షమాపణలు చెప్పాడు వర్మ.

వర్మ ప్రస్తావించిన కార్టూన్‌ సోషల్ మీడియాలో వైరల్‌గా మారింది. ద్రౌపది వస్త్రాపహరణానికి సంబంధించి కార్టూన్‌ని తీసుకొని... అందులో ద్రౌపది స్థానంలో శ్రీరెడ్డిని... శ్రీకృష్ణుడిగా వర్మను మార్చారు. ఇది పవన్ ఫ్యాన్స్ కంటపడటంతో... వారు గట్టిగానే స్పందించారట. ఈ ఫోటోను షేర్ చేస్తూ... నువ్వు దుశ్సాసునుడిలాగా చీరలు లాగే వాడివి కానీ... శ్రీకృష్ణుడు లాగా చీరలు ఇచ్చేవాడివి కాదని... కౌంటర్ పోస్ట్ పెట్టారు. దీన్ని గమనించిన వర్మ... ట్విట్టర్‌లో స్పందించాల్సి వచ్చింది.