'లక్ష్మీస్ ఎన్టీఆర్' నిర్మాత ఆయన కాదు: వర్మ

లక్ష్మీస్ ఎన్టీఆర్ సినిమాపై వర్మ మరో క్లారిటీ ఇచ్చారు. ఈ మూవీ నిర్మాతపై జరుగుతున్న ప్రచారానికి పుల్‌స్టాప్ పెట్టారు. ఇన్నాళ్లూ ప్రచారం జరుగుతున్నట్లు... వైసీపి నేత రాకేష్ రెడ్డికి సినిమాకు సంబంధమే లేదన్నారు. దీనికి సంబంధించిన ఓ పత్రికా ప్రకటనను విడుదుల చేశారు. అసలు రాకేష్‌కు తనకి సంబంధం లేదని స్పష్టం చేశారు వర్మ. అలాగే ఓ ఇంటర్వ్యూ లింక్‌ను కూడా ఉంచారు. ఆ ఇంటర్వ్యూలో ఆయన చెప్పినవన్నీ అబద్ధాలేనని చెప్పారు. వైసీపీ పెద్దల్ని మోసం చేసుందుకే రాకేష్ అలా ప్రచారం చేశాడనేది అతడికే తెలియాలన్నారు ఆర్జీవీ.

ఎప్పటి నుంచో లక్ష్మీస్ ఎన్టీఆర్ సినిమాను వైసీపీ నేత రాకేష్ నిర్మిస్తున్నారని ప్రచారం జరిగింది. ఆయన కూడా కొన్ని ఇంటర్వ్యూలలో ఇదే విషయాన్ని ప్రస్తావించారు. ఇప్పుడు వర్మ క్లారిటీ ఇవ్వడంతో ఆయన ఇరకాటంలో పడినట్లయ్యింది. మరి దీనిపై రాకేష్ ఎలా స్పందిస్తారన్నది ఆసక్తిగా మారింది.