పవన్ యాక్షన్‌కి వర్మ స్ట్రాంగ్ రియాక్షన్

గత కొంత కాలంగా రామ్ గోపాల్ వర్మ మెగా ఫ్యామిలీను టార్గెట్ చేస్తూ.. ట్విట్టర్ వేదికగా కామెంట్స్ చేస్తూనే ఉన్నారు. రీసెంట్‌గా ఈ విషయంపై నాగబాబు తనదైన స్టయిల్‌లో కడిగి పారేశారు. చిరంజీవి సైతం పరోక్షంగా నేను అలాంటి విలువ లేని మాటలకు స్పందించనని విమర్శించారు. ఇప్పుడు పవన్ కల్యాణ్ వంతు వచ్చింది.

''ఒకసారి పైకి ఎత్తేసి.. మరోసారి కిందకి దించేసే వ్యక్తుల గురించి నేనేం మాట్లాడాలి? ఈ మధ్యనే వర్మ కూతురుకి పెళ్ళైంది. కానీ పోర్న్ సినిమాలు కలెక్ట్ చేస్తూ ఉంటానని చెప్పే వ్యక్తుల గురించి మాట్లాడాల్సిన అవసరం ఉందా? అంటూ పవన్, వర్మను ఉద్దేశించి కామెంట్స్ చేశారు.

పవన్ ఇలాంటి కామెంట్స్ చేస్తే రామ్ గోపాల్ వర్మ ఊరుకుంటాడా... వెంటనే పవన్‌ను టార్గెట్ చేస్తూ మరికొన్ని ట్వీట్స్ వదిలాడు. ''ఒక అభిమానిగా పి‌కే మీద ఎక్స్పెక్టేషన్స్‌తో మాట్లాడాను గానీ తను చేసుకున్న మూడు పెళ్ళిళ్ళ లాంటి పెర్శనల్ విషయాలు నేనెప్పుడు మాట్లాడలేదు. నా జీవితం నా లైఫ్ స్టయిల్ నేను ఆలోచించే విధానం దాక్కోకుండా దాచకుండా నా పుస్తకం నా ఇష్టం లో మొత్తం విప్పి విప్పి రాశాను.

వాళ్ళింట్లో వాళ్ళ గురించి మాట్లాడారని యండమూరిని తిట్టారు. మరి వాళ్ళు వేరే ఇంట్లో వాళ్ళ గురించి మాట్లాడొచ్చా? ఇదేనా వికాసమని ప్రశ్నించారు. అంతేకాదు ''నేను తన మీద ఇష్టంతో నిజయీతీగా మాట్లాడాను కానీ విమర్శించడానికి కాదని తను తట్టుకోలేకపోవడం నా దురదృష్టం'' అంటూ ట్వీట్స్ చేశారు.

ఇదంతా చూస్తుంటే.. అప్పుడే పవన్, వర్మల మధ్య మాటల యుద్ధం ఆగేలా లేదు.