RGV: ఒట్టు తీసి గట్టు మీద పెడుతున్నా

పవన్ కల్యాణ్‌ను దూషించమని శ్రీరెడ్డికి తానే చెప్పానన్న రాంగోపాల్ వర్మ.. జనసేనానికి సారీ చెప్పాడు. ఇక మీదట పవన్ గురించి నెగటివ్‌గా కామెంట్ చేయనని వర్మ ఒట్టేసుకున్నాడు. కానీ ఒట్టేసి గంటలు కూడా గడవక ముందే మాట మార్చాడు. ఒట్టు తీసి గట్టు మీద పెడుతున్నట్టు ఆర్జీవీ ట్వీట్ చేశాడు. పవన్ ట్వీట్ల తర్వాత మా అమ్మ అంగీకారంతో నా ఒట్టు తీసి గట్టు మీద పెడుతున్నానని చెప్పాడు.

‘నేను చేసిన పనికి సారీ చెప్పి పవన్ కల్యాణ్ మీద ఇక కామెంట్ చేయనని మా అమ్మ మీద ఒట్టేశాను. ఆ తర్వాత నేను చంద్రబాబు, లోకేశ్, శ్రీని రాజు, రాధాకృష్ణ, రవి ప్రకాశ్, మూర్తి కూటమిలో ఉన్నానని పవన్ ఆరోపించారు. దీంతో ఈ నిర్ణయం తీసుకున్నాన’ని ట్వీట్ చేశాడు.

చదవండి: నీ ఫ్యాన్స్ వాడే భాషతో పోలిస్తే.. శ్రీరెడ్డి మాటలెంత?: వర్మ

‘వావ్ ఫస్ట్ టైం.. లాయర్ల కంటే క్లయింట్ ఎక్కువగా మాట్లాడటం చూశాను. ఆయన మంచి లాయర్లను పెట్టుకోనప్పుడు డబ్బంతా ఎందుకు వృథా చేయడం. లేదంటే వాళ్ల ఫిల్మ్ ప్రొడక్షన్ గోడౌన్ నుంచి లాయర్ కోట్లు తెప్పించి ఆయన ఫ్యాన్స్‌కు వేశారా? మాములుగా అడుగుతున్నానంతే..’ అంటూ వర్మ మరో ట్వీట్ చేశాడు.