రంగస్థలంపై వర్మ రివ్యూ...

రంగస్థలంపై రామ్‌గోపాల్ వర్మ స్పందించారు. సినిమా అద్భుతంగా ఉందంటూ ట్విట్టర్‌లో పొగడ్తల వర్షంతో ముంచెత్తారు. రంగస్థలం నిజంగా చక్కటి విజయాన్ని సాధించింది. రామ్‌చరణ్ మైండ్ బ్లోయింగ్, అద్భుతమని కితాబిచ్చారు వర్మ. హే సుకుమార్ నీకు ఇవిగో నా మూడు నమస్కారాలు... మూడు ముద్దులు అంటూ ట్వీట్ చేశారు. ఆ నమస్కరాలు, ముద్దులు కూడా మూడుసార్లట.

వర్మ మాత్రమే కాదు టాలీవుడ్ ప్రముఖులు చాలామంది రంగస్థలం సినిమాపై ప్రశంసలు కురిపించారు. ఉదయం నటుడు మోహన్ బాబు కూడా ట్వీట్ చేశారు. అలాగే హీరోయిన్ రకుల్ ప్రీత్ సింగ్, హీరో రాజ్‌తరుణ్‌లు కూడా సినిమాపై స్పందించారు. మూవీ అద్భుతంగా ఉందని... రాంచరణ్, సమంత యాక్షన్‌తో పాటూ సుకుమార్ డైరెక్షన్ అదుర్స్ అంటూ ట్వీట్లు చేశారు.