కమేడియన్లతో స్టార్ హీరోయిన్లు జత కట్టడం కొత్త ఏమీ కాదు. సినిమాల్లో ఇలాంటి కాంబోలు చాలానే ఉంటాయి. ఒకవైపు స్టార్ హీరోల సినిమాలతో బిజీగా ఉన్న దశలో సౌందర్య.. బాబూ మోహన్, అలీ వంటి కమేడియన్లతో ఆడిపాడింది. పెళ్లి చేసుకున్న తర్వాత రీ ఎంట్రీ ఇస్తూ.. సిమ్రన్ వంటి హీరోయిన్ కృష్ణభగవాన్ తో కలిసి నటించింది. నటిగా బిజీగా ఉన్న తరుణంలోనే ఆర్తీ అగర్వాల్ నాటికి కమేడియన్ అయిన సునీల్ హీరోగా నటించిన సినిమాలో హీరోయిన్ గా అగుపించింది. ఇలా కమేడియన్లు హీరోలుగా చేసే సినిమాల్లో మెరవడానికి వెనుకాడదు రంభ కూడా.
ఇది వరకూ రఘుబాబు సరసన కూడా ఒక సినిమాలో రంభ నటించింది. ఇప్పుడు ఈమె మరో కమేడియన్ సినిమాలో మెరవబోతున్నట్టుగా సమాచారం. ఈ మధ్యనే విడాకుల వ్యవహారాన్ని సెటిల్ చేసుకున్న రంభ ఇప్పుడు తిరిగి సినిమాలతో బిజీ అయ్యే ప్రయత్నంలో ఉంది. అందుకోసం.. అవకాశాల వేటను సాగిస్తోందట. అందులో భాగంగా కమేడియన్ సప్తగిరి సినిమాలో అవకాశం వెదుక్కొంటూ రాగా.. దానికి ఓకే చెప్పిందని సమాచారం.
అయితే ఇందులో రంభ పాత్ర ఏమిటో ఇంకా స్పష్టత లేదు. సప్తగిరి సినిమాలో.. రంభ వంటి నాటి గ్లామరస్, స్టార్ హీరోయిన్ నటించడం విశేషమే. ఈ సంగతిలా ఉంటే.. తన పాత పరిచయాలను ఉపయోగించుకుని తిరిగి సినిమా అవకాశాలతో బిజీ అయిపోయే ప్రయత్నంలో ఉందట రంభ. ఈ విషయంలో మెగాస్టార్ ను హెల్ప్ అడిగిందని టాక్. వెనుకటికి చిరంజీవితో రంభది హిట్ పెయిర్. ‘హిట్లర్’ , ‘బావగారూ బాగున్నారా’ వంటి సూపర్ హిట్లున్నాయి వీరి కాంబోలో!
ఇది వరకూ రఘుబాబు సరసన కూడా ఒక సినిమాలో రంభ నటించింది. ఇప్పుడు ఈమె మరో కమేడియన్ సినిమాలో మెరవబోతున్నట్టుగా సమాచారం. ఈ మధ్యనే విడాకుల వ్యవహారాన్ని సెటిల్ చేసుకున్న రంభ ఇప్పుడు తిరిగి సినిమాలతో బిజీ అయ్యే ప్రయత్నంలో ఉంది. అందుకోసం.. అవకాశాల వేటను సాగిస్తోందట. అందులో భాగంగా కమేడియన్ సప్తగిరి సినిమాలో అవకాశం వెదుక్కొంటూ రాగా.. దానికి ఓకే చెప్పిందని సమాచారం.
అయితే ఇందులో రంభ పాత్ర ఏమిటో ఇంకా స్పష్టత లేదు. సప్తగిరి సినిమాలో.. రంభ వంటి నాటి గ్లామరస్, స్టార్ హీరోయిన్ నటించడం విశేషమే. ఈ సంగతిలా ఉంటే.. తన పాత పరిచయాలను ఉపయోగించుకుని తిరిగి సినిమా అవకాశాలతో బిజీ అయిపోయే ప్రయత్నంలో ఉందట రంభ. ఈ విషయంలో మెగాస్టార్ ను హెల్ప్ అడిగిందని టాక్. వెనుకటికి చిరంజీవితో రంభది హిట్ పెయిర్. ‘హిట్లర్’ , ‘బావగారూ బాగున్నారా’ వంటి సూపర్ హిట్లున్నాయి వీరి కాంబోలో!