టీడీపీ ఎమ్మెల్యేపై సెటైర్ వేసిన వర్మ

లక్ష్మీస్ ఎన్టీఆర్ అనే టైటిల్‌తో ఎన్టీఆర్ రియల్ స్టోరీని సినిమాగా తెరకెక్కిస్తానంటున్న రాంగోపాల్ వర్మను విమర్శిస్తూ టీడీపీ ఎమ్మెల్యే ప్రభాకర్ చౌదరి పలు వ్యాఖ్యలు చేసిన సంగతి తెలిసిందే. ఏ ఒక్కరినీ సంప్రదించకుండానే వర్మ ఎన్టీఆర్ బయోపిక్ సినిమాను ఎలా తెరకెక్కిస్తాడని ప్రభాకర్ చౌదరి చేసిన విమర్శలపై స్పందించిన రాంగోపాల్ వర్మ.. ఎమ్మెల్యే ప్రభాకర్ చౌదరికి తనదైన స్టైల్లో రిప్లై ఇచ్చారు. టీడీపీ ఎమ్మెల్యే ప్రభాకర్ చౌదరికి నా రిప్లై అంటూ ఫేస్‌బుక్‌లో ఆర్జీవీ పెట్టిన పోస్టు ఇప్పుడు సోషల్ మీడియాలో వైరల్ అవుతోంది.

లక్ష్మీస్ ఎన్టీఆర్ చిత్రం ప్రస్తుతం ప్రీ ప్రొడక్షన్ స్టేజ్ లో వుంది. ఎన్టీఆర్ పాత్ర కోసం ఓ కొత్త నటుడిని సిద్ధం చేస్తున్నట్టు ఇటీవలే ప్రకటించిన వర్మ.. ఈ బయోపిక్ గురించి రోజుకో బాంబుని పేలుస్తున్నాడు.