బన్నీని ఆ పిల్ల ఆగం చేసిందట.. ఏంది ‘రాములా’ ఇది!

స్టైలిష్ స్టార్ అల్లు అర్జున్ ఫ్యాన్స్ ఆసక్తిగా ఎదురుచూస్తోన్న సమయం వచ్చేసింది. ‘‘రాములో రాములా’’ అంటూ మంచి ఊపునిచ్చే బీట్‌తో బన్నీ వచ్చేశారు. ఒక్కరోజు ఆలస్యంగా వచ్చినా చెప్పినట్టే మంచి క్వాలిటీతో ‘‘రాములో రాములా’’ సాంగ్ టీజర్‌ను అభిమానులకు అందించారు. టీజర్ వింటుంటేనే మంచి కిక్ వస్తోంది. ఇక ఈనెల 26న పూర్తి పాట రాబోతోంది. ఇక అప్పుడు పూనకాలే.

అల్లు అర్జున్, పూజా హెగ్డే జంటగా నటిస్తోన్న చిత్రం ‘అల... వైకుంఠపురములో...’. మాటల మాంత్రికుడు త్రివిక్రమ్ శ్రీనివాస్ దర్శకత్వం వహిస్తున్నారు. శ్రీమతి మమత సమర్పణలో హారిక అండ్ హాసిని క్రియేషన్స్, గీతా ఆర్ట్స్ పతాకాలపై అల్లు అరవింద్, ఎస్.రాధాకృష్ణ (చినబాబు) నిర్మిస్తున్నారు. తమన్ సంగీతం సమకూరుస్తున్నారు.

Also Read: ఎమోషన్స్ ఉంటేనే సెక్స్‌ను ఎంజాయ్ చేయగలం: ఇలియానా

ఈ సినిమా ఆల్బమ్‌లోని తొలిపాట ‘సామజవరగమన’ను ఇప్పటికే విడుదల చేశారు. సిద్ శ్రీరామ్ ఆలపించిన ఈ పాట అందరినీ ఆకట్టుకుంది. ఇప్పుడు మాస్ నంబర్ ‘రాములో రాములా’ అంటూ సాగే పాటను ప్రేక్షకుల ముందుకు తీసుకువస్తున్నారు. దీనిలో భాగంగా ఈరోజు సాంగ్ టీజర్‌ను విడుదల చేశారు. టీజర్ భలే కలర్‌ఫుల్‌గా ఉంది. బన్నీ ఎల్లో బ్లేజర్‌లో మెరిసిపోతున్నారు. పూజా బ్లాక్ డ్రెస్‌లో అందంగా ఉంది.

See Photo Story: అమ్మో వానీ కపూర్.. అందాలతో ఏంటీ 'వార్'

అనురాగ్ కులకర్ణి, మంగ్లి ఆలపించిన ఈ పాటను కాసర్ల శ్యామ్ రచించారు. ‘రాములో రాములా.. నన్నాగం చేసిందిరో. రాములో రాములా నా పాణం తీసిందిరో’ అనే పదాలను టీజర్‌లో వినిపించారు. కాగా, ఈ సినిమాలో సీనియర్ నటి టబు కీలక పాత్ర పోషిస్తున్నారు. సుశాంత్, నివేత పేతురాజ్, నవదీప్, రాజేంద్ర ప్రసాద్, జయరామ్, రావు రమేష్, మురళీ శర్మ ముఖ్య పాత్రల్లో నటిస్తున్నారు. సంక్రాంతి కానుకగా జనవరి 12 విడుదలయ్యేందుకు ఈ సినిమా సిద్ధమవుతోంది.