Rana Daggubati: రానా ‘అరణ్య’ ఫస్ట్ లుక్.. వామ్మో!! భళ్లాలదేవకు బాబులా ఉన్నాడే

బాహుబలి చిత్రంలో భళ్లాలదేవుడు రానా క్రేజ్ ఒక్కసారిగా పెరిగిపోయింది. ప్రతినాయకుడ్ని కూడా హీరోతో సమాన ప్రాధాన్యత కల్పిస్తూ.. రానాను భళ్లాల దేవుడిగా అద్భుతంగా చూపించారు దర్శకధీరుడు రాజమౌళి. ఈ చిత్రంతో రానా నటించే సినిమాలపై అంచనాలు విపరీతంగా పెరిగిపోయాయి. ఈ అంచనాలకు తగ్గట్టుగానే పాత్రల్ని ఎంచుకుంటున్నారు ఇంటర్నేషనల్ విలన్ రానా. తాజాగా ఆయన నటించిన బహు భాషా చిత్రం ‘అరణ్య’ ఫస్ట్ ‌లుక్‌ను విడుదల చేసింది చిత్ర యూనిట్.

ఈ సినిమా హిందీలో ‘హాథీ మేరే సాథీ’, తెలుగులో ‘అరణ్య’గా, తమిళంలో ‘కాదన్‌’గా ప్రేక్షకుల ముందుకు వస్తుండగా.. హిందీ పోస్టర్‌ను విడుదల చేశారు. మానవులు-జంతువుల మధ్య సంబంధాల్ని ప్రతిబింబించే వాస్తవ కథాంశాలతో తెరకెక్కిన ఈ చిత్రంలో రానా అడవిలో ఉండే ఆదివాసి ‘బన్ దేవ్’ పాత్రలో కనిపిస్తున్నారు.

తాజాగా విడుదలైన ఫస్ట్ లుక్‌లో పెరిగిన గెడ్డంతో ఒంటి నిండా గాయాలతో అడవి జంతువుల మధ్య ఉగ్ర రూపం దాల్చి సర్ ప్రైజ్ లుక్‌లో దర్శనం ఇచ్చారు. రానాతో పాటు జోయా హుస్సేన్‌, శ్రియా పిల్లావుంకర్‌, పుల్‌కిత్‌ సామ్రాట్‌, విష్ణు విశాల్‌ కీలక పాత్రల్లో నటిస్తున్నారు. ప్రభు సోలోమాన్ దర్శకత్వం వహిస్తుండగా.. ఆస్కార్‌ విజేత రసూల్‌ సౌండ్‌ ఇంజినీర్‌గా పనిచేయడం విశేషం. ఇప్పటికే షూటింగ్ పార్ట్ పూర్తికాగా.. పోస్డ్ ప్రొడక్షన్స్ పనుల్ని పూర్తి చేసుకుని అన్ని భాషల్లో ఏప్రిల్‌ 2న విడుదల కానుంది ‘అరణ్య’.
See Photo Story: ఈ ఏజ్‌లోనూ.. చెక్కుచెదరని అందంతో శిల్పాశెట్టి హాట్ స్టిల్స్