రానా తర్వాతి సినిమాలో హాలీవుడ్ హీరోయిన్!

బాహుబలి సినిమాతో నేషనల్ వైడ్‌గా స్టార్ ఇమేజ్ సొంతం చేసుకున్న రానా దగ్గుబాటి తాజాగా ఓ హాలీవుడ్ స్థాయి సినిమాకి రెడీ అవుతున్నట్టు తెలుస్తోంది. హాలీవుడ్‌కి చెందిన లండన్ డిజిటల్ మూవీ అనే ఓ ప్రొడక్షన్ హౌజ్‌తో రానా ఓ అగ్రిమెంట్ కుదుర్చుకున్నట్టు సమాచారం. ఈ విషయాన్ని స్వయంగా రానానే ట్విటర్ ద్వారా తన అభిమానులకి తెలిపాడు. సినిమా నిర్మాణ రంగంలోకి కొత్త టెక్నాలజీని పరిచయం చేయదల్చుకున్నట్టు రానా తన ట్విటర్ పోస్ట్‌లో పేర్కొన్నాడు.
Happy to be associated with LDM !! Looking fwd to making some great cinema and brining in better technology in filmmaking!! https://t.co/8WHaF6ZKFl— Rana Daggubati (@RanaDaggubati) July 29, 2017
బాలీవుడ్ స్టార్ రానా దగ్గుబాటితో ఓ సినిమాకు సైన్ చేసినట్టు సదరు లండన్ డిజిటల్ మూవీ హౌజ్ చేసిన ట్వీట్‌కి స్పందిస్తూ రానా ఈ ట్వీట్ చేశాడు. 2018లో ప్రారంభం కానున్న ఈ సినిమాలో రానా సరసన ఓ ప్రముఖ హాలీవుడ్ హీరోయిన్ జంటగా నటించనుందని సమాచారం.

ఇక రానా ప్రస్తుత ప్రాజెక్ట్స్ విషయానికొస్తే, అతడు నటించిన నేనే రాజు నేనే మంత్రి సినిమా ఇంకొద్ది రోజుల్లోనే ఆడియెన్స్ ముందుకొచ్చేందుకు రెడీ అవుతోంది. తేజ డైరెక్ట్ చేసిన ఈ సినిమాలో రానా సరసన కాజల్ అగర్వాల్ హీరోయిన్‌గా నటించింది.