ధనాధన్ ర్యాపిడ్ రానా.. ప్రశ్న వేశారో పంచ్ పడిపోద్ది!

బాహుబలి చిత్రంతో ప్రపంచవ్యాప్తంగా గుర్తింపు తెచ్చుకున్న రానా ప్రస్తుతం తేజ దర్శకత్వంలో వస్తున్న 'నేనే రాజు నేనే మంత్రి' సినిమాలో నటిస్తున్నాడు. టాలీవుడ్ చందమామ ‘కాజల్’ఈ సినిమాలో రానాకు జోడిగా నటిస్తుండగా.. ఆగస్ట్ నెలలో ఈ సినిమా ప్రేక్షకుల ముందుకు రానుంది. కమర్షియాలిటీ కోసం కాకుండా మంచి కథలను ప్రేక్షకులకు అందించాలనే ఉద్దేశంతో రిఫరెంట్ స్టోరీస్‌తో ప్రేక్షకుల ముందుకు వస్తున్నాడు. తాజాగా రానా అబుదాబిలో జరిగిన సైమా వేడుకలలో పాల్గొన్నాడు. ఈ కార్యక్రమంలో రానా చెప్పిన కొన్ని ర్యాపిడ్ ఫైర్ సమాధానాలు ఆయన అభిమానులను ఆకట్టుకుంటున్నాయి. అవేంటో ఓ లుక్కేద్దాం..

*ఒక మనిషి జీవితాంతం స్నేహితుడిగా ఉండాల్సివస్తే..?
రామ్ చరణ్

*ఒకే పాటను జీవితాంతం వినాల్సి వస్తే..?
'బాహుబలి'లోని మహిష్మతి టైటిల్ సాంగ్‌

*ఎప్పటికీ ఒకే నగరంలో ఉండాల్సి వస్తే..?
హైదరాబాద్

*ఒకే ఫుడ్ ఎప్పటికీ తినాల్సి వస్తే..?
హలీం

*టీవీలో ఒకే షో ఎప్పటికీ చూడాల్సి వస్తే..?
అప్పుడు టీవీ ఆఫ్ చేసేస్తా..

*జీవితాంతం మీకు ఒకే ప్రేక్షకుడు ఉంటే అది ఎవరు..?
మా నాన్న

*జీవితాంతం ఒకే స్టార్ తో గడపాల్సి వస్తే..?
పుట్టినప్పటి నుండి నుంచి స్టార్ల మధ్యే పెరిగాను కాబట్టి ఒకే స్టార్‌ను ఎంపిక చేసుకోవటం కష్టమని చెప్పాడు.