Rana Naidu Season 2: త్వరలో రానా నాయుడు సీజన్ 2.. బాబాయ్ అబ్బాయ్ గొడవలకు ఫుల్‌స్టాప్!

టాలీవుడ్ స్టార్ హీరో విక్టరీ వెంకటేష్ (Victory Venkatesh), బాహుబలి స్టార్ రానా (Rana Daggubati) కలిసి నటించిన వెబ్ సిరీస్ ‘రానా నాయుడు’ (Rana Naidu). సుపర్ణ్ వర్మ మరియు కరణ్ అన్షుమాన్ దర్శకత్వం వహించిన ఈ హిందీ వెబ్ సిరీస్‌ ఫస్ట్ సీజన్‌ గత నెలలో ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌‌లో విడుదలైంది. కంటెంట్ పరంగా ప్రేక్షకుల నుంచి మిక్స్‌డ్ టాక్ తెచ్చుకుంది. అయితే ఇందులో బూతుల గోల ఎక్కువగా ఉండటంతో తెలుగులో ఈ సిరీస్‌కు పెద్దగా ఆదరణ లభించలేదు. పైగా బూతు పదాల పట్ల విమర్శలు రావడంతో ‘రానా నాయుడు’ తెలుగు వెర్షన్‌ను స్ట్రీమింగ్ నుంచి తొలగించింది నెట్‌ఫ్లిక్స్ (Netflix). ఇదిలా ఉంటే, తాజాగా ఈ సిరీస్ సెకండ్ సీజన్ (Second Season) గురించి అధికారికంగా ప్రకటించడం విశేషం.‘రానా నాయుడు’ సీజన్ 2 త్వరలోనే మీ ముందుకొస్తుందని అఫిషియల్‌గా ప్రకటించిన నెట్‌ఫ్లిక్స్.. ఒక చిన్న గ్లింప్స్ వీడియోను కూడా ఈ సందర్భంగా విడుదల చేసింది. కాగా.. ఇందులో సుచిత్రా పిళ్లై, గౌరవ్ చోప్రా, సుర్వీన్ చావ్లా ముఖ్యమైన పాత్రలు పోషించారు. ఇక ‘రానా నాయుడు’ అనేది ప్రముఖ అమెరికన్ టీవీ సిరీస్ ‘రే డోనోవన్’కు ఇండియన్ అడాప్టేషన్‌గా తెరకెక్కింది.

ఇక వెంకటేష్ అప్‌కమింగ్ సినిమాల విషయానికొస్తే.. ప్రస్తుతం హిట్ డైరెక్టర్ శైలేష్ కొలనుతో ‘సైంధవ్’ చిత్రం చేస్తున్నారు. నిహారిక ఎంటర్‌టైన్మెంట్స్ బ్యానర్‌పై వెంకట్ బోయనపల్లి ఈ చిత్రాన్ని నిర్మి్స్తు్న్నారు. వెంకటేష్ కెరీర్‌లో 75వ చిత్రంగా తెరకెక్కుతున్న ఈ చిత్రానికి సంతోష్ నారాయణన్ మ్యూజిక్ అందిస్తున్నారు. ముకుందన్ సినిమాటోగ్రఫర్, బీహెచ్ ఎడిటర్‌గా పనిచేస్తున్నారు. ఇప్పటికే ఈ మూవీ నుంచి విడుదల చేసిన గ్లింప్స్ వీడియో ప్రేక్షకుల్లో అంచనాలు పెంచేసింది.
Trisha, Jayam Ravi: ట్విట్టర్ బ్లూ టిక్ కోల్పోయిన త్రిష, జయం రవి.. PS2 ప్రమోషన్స్ వల్లే!
ఇక రానా.. ‘విరాటపర్వం, భీమ్లా నాయక్’ తర్వాత మరో సినిమాలో నటించలేదు. ప్రస్తుతానికి ‘రానా నాయుడు’ వెబ్ సిరీస్ సెకండ్ సీజన్‌తో ప్రేక్షకుల ముందుకు రాబోతున్నాడు. అయితే ఫస్ట్ సీజన్ నిరాశపరచడంతో.. ఇప్పుడు తన హోప్స్ అన్నీ సెకండ్ సీజన్‌పైనే ఉన్నాయి. చూద్దం ఇది అయినా ప్రేక్షకులను మెప్పిస్తుందో లేదో!

• Read latest Tollywood updates and Telugu News