హీరో, హీరోయిన్ ప్రేమలో.. పెళ్లి త్వరలోనే?

మరో బాలీవుడ్ హీరోయిన్‌తో ప్రేమలో పడ్డాడు రణ్‌బీర్ కపూర్. గతంలో టాప్ హీరోయిన్ కత్రినా కైఫ్‌తో ప్రేమ వ్యవహారాన్ని నడిపిన నేపథ్యం ఉన్న రణ్‌బీర్ ఇప్పుడు అలియా భట్‌తో ప్రేమలో పడినట్టుగా వార్తలు వస్తున్నాయి. కొన్నాళ్ల కిందట ఈ కపూర్ కుర్రాడు ఆ విషయాన్ని ధ్రువీకరించాడు. తమ ప్రేమ కథ ఇప్పుడిప్పుడే ప్రారంభం అవుతోందని ప్రకటించాడు. అలా మొదలైన వీరి ప్రేమకథ చాలా వేగంగా నడుస్తోందని.. త్వరలోనే వీరిద్దరూ పెళ్లి కూడా చేసుకోబోతున్నారని వార్తలు వస్తున్నాయిప్పుడు.

సోషల్ మీడియాలో ఫాలోయర్లు అడిగిన ప్రశ్నలకు రణ్‌బీర్ ఇచ్చిన సమాధానాలు వీరి పెళ్లి ఊహాగానాలను రెట్టింపు చేశాయి. పెళ్లెప్పుడు అని ఒక ఫాలోయర్ అడిగిన ప్రశ్నకు రణ్‌బీర్ సమాధానం ఇస్తూ .. ‘త్వరలోనే..’ అని అన్నాడు. ఈ ప్రకటన ఆసక్తిని రేపుతోంది.

ఇటీవల అలియాభట్ మాట్లాడుతూ.. తను త్వరలోనే పెళ్లి చేసుకుంటానని చెప్పింది. 30 యేళ్ల వయసు వరకూ కూడా తను సింగిల్‌గా ఉండనని, అంతకంటే ముందుగా, చాలా తొందరగానే పెళ్లి జరగొచ్చని అలియా చెప్పుకొచ్చింది. మొన్న అలియా చేసిన ప్రకటన, ఇప్పుడు రణ్‌బీర్ చెప్పిన సమాధానం.. వీరిద్దరూ కుటుంబీకులతో కలిసి కనిపించడం.. ఈ పరిణామాలన్నింటినీ బట్టి చూస్తే.. త్వరలోనే వీరి పెళ్లి ఉండవచ్చనే ఊహాగానాలు తీవ్రం అయ్యాయి. ఇటీవలి కాలంలో చాలా మంది బాలీవుడ్ హీరోలు,హీరోయిన్లు పెళ్లిళ్లు చేసుకుంటూ వస్తున్నారు. ఒక రకంగా చెప్పాలంటే బాలీవుడ్‌లో పెళ్లిళ్ల సీజన్ నడుస్తోంది. ఇదే సీజన్‌లో రణ్‌బీర్, అలియాల పెళ్లి కూడా జరుగుతుందేమో!