అమెరికా రికార్డులు చితకొట్టేస్తున్న చిట్టిబాబు!

చిట్టిబాబు తెలుగు రాష్ట్రాల్లోనే కాదు.. అమెరికాలో కూడా రికార్డులను చెడుగుడు ఆడించేస్తున్నాడు. ఎంతగా అంటే.. అక్కడి గత రికార్డులను తిరగరాసేంత! ఆయ్, మీరు విన్నది కరెక్టేనండి. ఇప్పటి వరకు అక్కడ విడుదలైన తెలుగు సినిమాల్లో అత్యంత వేగంగా రెండు మిలియన్ డాలర్లు వసూళ్లు సాధించిన రెండో చిత్రంగా ‘రంగస్థలం’ రికార్డులుకెక్కింది.

Also Read: Rangasthalam Collections

విమర్శకుల ప్రశంసలు అందుకుంటున్న ఈ సినిమా కలెక్షన్లు వీకెండ్‌లో సునామీ సృష్టించాయని చెప్పుకోవచ్చు. ‘‘బాహుబలి సినిమా తర్వాత అంత వేగంగా రెండు మిలియన్ డాలర్లు వసూళ్లు సాధించిన చిత్రం రంగస్థలమే’’ అని వాణిజ్య విశ్లేషకుడు రమేష్ బోలా సోమవారం ట్వీట్ చేశారు. మరో వాణిజ్య విశ్లేషకుడు తరుణ్ ఆదర్శ్ సైతం.. ‘రంగస్థలం’ కలెక్షన్లపై ఆశ్చర్యం వ్యక్తం చేశారు.

‘‘అమెరికాలో ‘రంగస్థలం’ హవా కొనసాగుతోంది. తెలుగు సినిమా 2 మిలియన్ డాలర్లతో రాయల్ ఎంట్రీ ఇచ్చింది. ఇది ఇప్పట్లో తగ్గే అవకాశమైతే లేదు. మొత్తం వసూళ్లను త్వరలోనే అప్‌డేట్ చేస్తా’’ అని తరుణ్ ఆదర్శ్ తెలిపారు. వీకెండ్ కలెక్షన్లతోనే ఈ సినిమా రూ.100 కోట్లు దాటేసిందని చిత్ర యూనిట్ సోమవారం ప్రకటించింది.
Read this article in English