హీరో, హీరోయిన్ బ్రేకప్.. ఉత్తిదే!

​‘మా నాన్న నాకు పెళ్లి సంబంధాలు చూస్తున్నారు..’ అని ఇటీవల దీపికాపదుకునే వ్యాఖ్యానించడంతో రణ్ వీర్ సింగ్‌తో ఆమె సాగిస్తున్న ప్రేమకథకు శుభం కార్డు పడినట్టే అనే విశ్లేషణలు మొదలయ్యాయి. రణ్ వీర్ ను ఆమె వదిలేసినట్టే అని, తండ్రి చూసే సంబంధానికి ఓకే చెప్పి పెళ్లి చేసుకుంటుందేమోనని కొంతమంది అభిప్రాయ పడ్డారు. దీపికా- రణ్ వీర్ లవ్ బ్రేకప్.. అనే వార్తలు కూడా వచ్చాయి.

అయితే అవన్నీ ఉత్తివే అని అనుకోవాల్సి వస్తోందిప్పుడు. అలాంటి వార్తలకు చెక్ చెబుతూ.. రణ్ వీర్ తో తన సాన్నిహిత్యాన్ని మరోసారి చాటుకుంది దీపిక. ఈ మేరకు ట్విటర్లో వీరి సంభాషణ జరిగింది. ఒక మ్యాగజైన్ కవర్ ఫోటోపై రియాక్ట్ అవుతూ.. దీపికకు కిస్సింగ్ ఎమోజీలు పంపించాడు రణ్ వీర్. అందుకు ప్రతిగా దీపిక మరిన్ని ముద్దుల ఎమోజీలను రణ్ వీర్ కు పంపించింది. ఈ సంభాషణ అంతా ట్విటర్లో పబ్లిక్ గానే జరగడంతో వీరిద్దరి మధ్య సాన్నిహిత్యం కొనసాగుతోందని స్పష్టం అవుతోంది. వీరి బ్రేకప్ వార్తలు ఉత్తుత్తివే అని తేలిపోతోంది.