రణ్‌వీర్ సింగ్‌తో పోటీపడిన మహేష్ బాబు.. వీళ్లిద్దరే చివరి మగాళ్లట!

ప్రముఖ శీతలపానీయం బ్రాండ్ ‘థమ్స్ అప్‌’కు తెలుగులో సూపర్ స్టార్ మహేష్ బాబు ప్రచారం కల్పిస్తోన్న విషయం తెలిసిందే. ఈ కూల్‌డ్రింక్ కమర్షియల్ యాడ్ చాలా అడ్వంచరస్‌గా ఉంటుంది. మహేష్ బాబు థమ్స్ అప్ బాటిల్ కోసం భయంకరమైన సాహసాలు చేస్తుంటారు. ఇక్కడ మహేష్ బాబు చేసినట్టే బాలీవుడ్‌లో రణ్‌వీర్ సింగ్ చేస్తున్నారు. అంటే, హిందీలో ‘థంబ్స్‌ అప్’కు రణ్‌వీర్ సింగ్ బ్రాండ్ అంబాసిడర్ కాగా.. తెలుగులో మహేష్ బాబు.

ఇదిలా ఉంటే, తాజాగా థమ్స్ అప్ కొత్త కమర్షియల్ టీవీ యాడ్ వచ్చింది. ఈ యాడ్‌లో మహేష్ బాబు, రణ్‌వీర్ సింగ్ ఇద్దరూ కలిసి నటించడం విశేషం. తంబ్స్ అప్ బాటిల్ కోసం ఈ యాడ్‌లో ఇద్దరూ పోటీపడుతున్నారు. ఈ యాడ్ సైతం చాలా అడ్వంచరస్‌గా ఉంది. ‘‘ప్రపంచంలో చివరిగా మగాళ్లం మనమిద్దరమే ఉన్నామనుకుంటా’’ అని మహేష్ బాబుతో రణ్‌వీర్ సింగ్ చెప్పే డైలాగుతో యాడ్ మొదలైంది. ఆ తరవాత మహేష్, రణ్‌వీర్ థమ్స్ అప్ కూల్ డ్రింక్ తయారయ్యే ఫ్యాక్టరీకి వెళ్లారు. అక్కడ ఉన్న ఏకైక థమ్స్ అప్ బాటిల్‌ను దక్కించుకోవడానికి మహేష్, రణ్‌వీర్ పోటీ పడతారు. వీళ్లకు అక్కడే ఉన్న కొంత మంది క్రూరమైన వ్యక్తులు అడ్డుపడతారు. వాళ్లను జయించి బాటిల్ చేజిక్కించుకుంటారు.

Acharya: చేతిలో చాయ్ గ్లాస్.. ఆచార్య సెట్స్‌పై హుషారుగా రామ్ చరణ్! ఫొటో వైరల్
ఇక ఆఖరిలో రణ్‌వీర్ సింగ్ థమ్స్ అప్ బాటిల్‌ను పట్టుకుని ఉంటారు. అతనితో మహేష్ బాబు.. ‘‘సరిగ్గా చెప్పావ్. ఇప్పుడు కూడా చివరి మగాళ్లం ఇద్దరమే ఉన్నాం’’ అని అంటారు. ‘‘ఇది కూడా చివరిదేనా’’ అని థమ్స్ అప్ బాటిల్‌ను మహేష్ చేతులోకి విసురుతారు రణ్‌వీర్. దీనికి.. ‘‘చివరి థమ్స్ అప్పా.. అంటే’’ అని మహేష్ రిప్లై ఇచ్చారు. ఆ వెంటనే మూత తీసి థమ్స్ అప్‌ను గడగడా తాగేశారు. ఇలా ఇద్దరు సూపర్ స్టార్లతో ఈ కమర్షియల్ యాడ్‌ను అద్భుతంగా రూపొందించారు. ఈ యాడ్‌ను ట్విట్టర్‌ ద్వారా అభిమానులతో పంచుకున్నారు మహేష్ బాబు.
అయితే, థమ్స్ అప్ హిందీ యాడ్‌లో మహేష్, రణ్‌వీర్ పాత్రలు అటుఇటుగా మార్చారు. తెలుగులో ఆఖరున మహేష్‌కు రణ్‌వీర్ బాటిల్ అందిస్తారు. హిందీలో రణ్‌వీర్‌కు మహేష్ అందిస్తారు. కాగా, మహేష్ బాబు కలిసి పనిచేయడాన్ని గౌరవంగా భావిస్తు్న్నానని రణ్‌వీర్ సింగ్ ఇన్‌స్టాగ్రామ్‌లో పేర్కొన్నారు. మహేష్‌ను పెద్ద అన్నయ్యగా అభివర్ణించారు.