ర‌ష్మీ బర్త్‌డే సందర్భంగా 'అంతం' ఫస్ట్ లుక్ విడుదల

రష్మీ గౌతమ్, చరణ్ దీప్ ముఖ్యపాత్రల్లో నటించిన చిత్రం అంతం. రామ్ గోపాల్ వర్మకు వీరాభిమాని కావడంతో ఆయన దర్శకత్వంలో వచ్చిన 'అంతం' చిత్రాన్నే మా చిత్రానికి టైటిల్‌గా పెట్టామని దర్శక నిర్మాత జి.ఎస్.ఎస్.పి.కళ్యాణ్ తెలియజేశారు. 'అంతం' తరహాలోనే ఈ చిత్రానికి సైతం చాలా మంచి క్రేజ్ తీసుకొస్తుందన్నారు. ర‌ష్మీ పుట్టిన‌రోజు సంద‌ర్బంగా ఈ సినిమా ఫస్ట్ లుక్‌ని విడుద‌ల చేశారు. ఇప్ప‌టికే ఈ చిత్ర షూటింగ్ పూర్త‌యి పోస్ట్ ప్రోడ‌క్ష‌న్ కార్య‌క్ర‌మాలు జ‌రుపుకుంటోంది. వేసవి కానుకగా ఈ చిత్రాన్ని విడుదల చేయనున్నట్టు నిర్మాత‌లు తెలిపారు.

సస్పెన్స్ థ్రిల్లర్‌గా తెరకెక్కిన ఈ సినిమాలో రష్మీ అందచందాలతో పాటు పెర్‌పార్మెన్స్‌కు స్కోప్ ఉన్న పాత్రలో నటించింది. డిఫరెంట్ క్యారెక్టర్స్ ఎంచుకుంటూ రష్మీ గౌతమ్ మంచి పేరు సంపాదించింది. ఇదే కోవలో అంతం చిత్రంలోని తన క్యారెక్టర్‌కు సైతం మంచి పేరొస్తుందని ఆశిస్తోంది రష్మీ. చరణ్ క్రియేషన్స్ బ్యానర్‌పై కళ్యాణ్ స్వీయ దర్శకత్వంలో ఈ చిత్రాన్ని నిర్మించారు. సినిమాటోగ్రఫి, ఎడిటింగ్ బాధ్యతలు కూడా కళ్యాణ్ చేపట్టడం విశేషం.