Rashmika Mandanna. Samantha: రష్మిక మందన్న తాజా చిత్రం రెయిన్ బో లాంచ‌నంగా ప్రారంభమైంది. శాంతరూబన్ ద‌ర్శ‌క‌త్వంలో డ్రీమ్ వారియ‌ర్ పిక్చ‌ర్స్ సంస్థ ఈ మూవీని రూపొందిస్తోంది.
Rashmika Mandanna: శాండివుడ్ బ్యూటీ రష్మిక మందన్న త‌న‌దైన గుర్తింపుతో దూసుకెళుతోన్న సంగ‌తి తెలిసిందే. ఇప్ప‌టి వ‌ర‌కు ఆమె హీరోల స‌ర‌స‌న ఆడిపాడింది. అయితే ఇప్పుడు స‌డెన్ రూట్ తీసుకుంది. హీరోయిన్ సెంట్రిక్ మూవీలో న‌టిస్తుంది. ఆ సినిమాయే రెయిన్ బో. ఇలా ఆమె ప్ర‌ధాన పాత్ర‌లో న‌టించ‌టం ఇదే తొలిసారి అవుతుంది. నిజంగా ఇలాంటి సినిమా చేయ‌టం ఆమెకు చాలెంజ్ అనే చెప్పాలి. కోలీవుడ్‌లో ప్ర‌ముఖ నిర్మాణ సంస్థ‌ల్లో ఒక‌టైన డ్రీమ్ వారియ‌ర్ పిక్చ‌ర్స్ సంస్థ ఈ సినిమాను నిర్మిస్తుంది. సోమ‌వారం ఈ చిత్రం పూజా కార్య్ర‌మాల‌తో లాంచంగా ప్రారంభమైంది. బ్రీజీ రొమాంటిక్ ఫాంట‌సీ చిత్రంగా ఇది రూపొంద‌నుంది. ఎస్‌.ఆర్‌.ప్ర‌కాష్ బాబు, ఎస్‌.ఆర్‌.ప్ర‌భు నిర్మాత‌లు. శాంతరూబన్ ద‌ర్శ‌క‌త్వం వ‌హిస్తున్నారు.
Samayam TeluguRashmika Mandanna, రష్మిక మందన్న
ఈ సినిమాలో ర‌ష్మిక‌కు (Rashmika Mandanna) జోడీగా మ‌ల‌యాళ న‌టుడు.. సూఫియుం సూజ‌త‌యుమ్‌, శాకుంత‌ల‌ం (Shaakuntalam) చిత్రాల ఫేమ్ దేవ్ మోహన్ (Dev Mohan) న‌టిస్తున్నారు. నిజానికి డ్రీమ్ వారియ‌ర్ పిక్చ‌ర్స్ ఓ హీరోయిన్ సెంట్రిక్ మూవీని నిర్మించ‌టానికి చాలా రోజుల నుంచి ఎదురు చూస్తున్నారు. ఈ క్ర‌మంలో వారు స‌మంత‌తో కూడా రెండేళ్లు ముందే సినిమాను అనౌన్స్ చేశారు. మ‌రి ఆ సినిమా ఆగిపోయిందా? స‌మంతను రష్మిక మందన్న రీప్లేస్ చేసిందా? అని తెలియ‌దు కానీ.. రెయిన్ బో సినిమాను మేక‌ర్స్ స్టార్ట్ చేశారు. ఏప్రిల్ 7 నుంచి సినిమా రెగ్యుల‌ర్ షూటింగ్ ప్రారంభం అవుతుంది. జ‌స్టిన్ ప్ర‌భాక‌ర‌న్ సంగీతం అందిస్తున్నారు.
కిరిక్ పార్టీ అనే క‌న్న‌డ చిత్రంతో కెరీర్ స్టార్ట్ చేసిన రష్మిక.. ఇప్పుడు ద‌క్షిణాదితో పాటు బాలీవుడ్‌లోనూ సినిమాలు చేస్తుంది. ప్ర‌స్తుతం ఆమె ఐకాన్ స్టార్ అల్లు అర్జున్ పాన్ ఇండియా మూవీ పుష్ప 2 ది రూల్ (Pushpa The Rule) సినిమాలో శ్రీవ‌ల్లిగా అల‌రించ‌నుంది. ఇప్పుడు రెయిన్ బ్రో స్టార్ట్ అయ్యింది. మ‌రి ఈ సినిమా త‌ర్వాత ర‌ష్మిక‌కు ఎలాంటి హీరోయిన్ సెంట్రిక్ చిత్రాలు వ‌స్తాయో చూడాలి మ‌రి.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్ర‌ముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
