Congress Party : రాజ‌కీయాల్లోకి ర‌ష్మిక మంద‌న్న‌.. కాంగ్రెస్ పార్టీ అభ్య‌ర్థిగా పోటీ!

ప్ర‌ముఖ స్టార్ హీరోయిన్ ర‌ష్మిక మంద‌న్న (Rashmika Mandanna) హీరోయిన్‌గా ఎంత బిజీగా ఉందో ప్ర‌త్యేకంగా చెప్ప‌న‌క్క‌ర్లేదు. ద‌క్షిణాదిన తెలుగు, త‌మిళ క్రేజీ ప్రాజెక్ట్స్‌లో న‌టించ‌ట‌మే కాకుండా పుష్ప ది రైజ్ (Pushpa The Rise) వంటి పాన్ ఇండియా సినిమాతో సంద‌డి చేసింది. ఇప్పుడు దానికి సీక్వెల్లోనూ న‌టించ‌డానికి సిద్ధ‌మ‌వుతుంది. మ‌రో వైపు బాలీవుడ్ (Bollywood) సినిమాల్లోనూ న‌టిస్తోంది. అలాంటి బిజీ హీరోయిన్ రాజ‌కీయాల్లోకి రానుంద‌నే వార్త‌లు సోష‌ల్ మీడియాలో హ‌ల్ చ‌ల్ చేస్తున్నాయి. అస‌లు ర‌ష్మిక మంద‌న్న రాజ‌కీయ రంగ ప్రవేశం వెనుక అస‌లు క‌థేంటి.. ఏ పార్టీ త‌ర‌పున పోటీ చేయ‌బోతున్నార‌నే వివరాల్లోకి వెళితే..

సినీ సెల‌బ్రిటీల జ్యోతిష్కం చెబుతూ వార్త‌ల్లో వ్య‌క్తిగా నిలుస్తోన్న ఆస్ట్రాల‌జ‌ర్ వేణు స్వామి (Astrologer Venu Swamy) ర‌ష్మిక మంద‌న్న గురించి ఓ ఇంట‌ర్వ్యూలో మాట్లాడుతూ ఆమె న‌టిగా రాణిస్తూనే రాజ‌కీయాల్లోకి కూడా వ‌స్తార‌ని అన్నారు. ఇక్క‌డ‌తో ఆగితే స‌రిపోయేది కానీ.. ఆయ‌న మ‌రో అడుగు ముందుకేసి ర‌ష్మిక మంద‌న్న ఏకంగా కాంగ్రెస్ పార్టీ నుంచి పోటీ చేసి పార్ల‌మెంట్ మెంబ‌ర్ అవ‌తార‌ని అంటున్నారాయ‌న‌. ర‌ష్మిక రాజ‌కీయాల‌పై వేణుస్వామి వ్యాఖ్య‌లు సోష‌ల్ మీడియాలో తెగ వైర‌ల్ అవుతున్నాయి. మ‌రి త‌న రాజ‌కీయ రంగ ప్ర‌వేశంపై సోష‌ల్ మీడియాలో వినిపిస్తోన్న వార్త‌ల‌పై ర‌ష్మిక (Rashmika) ఏమైనా క్లారిటీ ఇస్తారా! లేక ఎవ‌రేమి అనుకున్నా నాకేం అని అనుకుంటారా అనేది చూడాలి మ‌రి.

కిరిక్ పార్టీతో హీరోయిన్‌గా కెరీర్ స్టార్ట్ చేసిన శాండిల్ వుడ్ బ్యూటీ ర‌ష్మిక మంద‌న్న (Rashmika Mandanna). తొలి చిత్రం సూప‌ర్ హిట్ కావ‌టంతో అంద‌రి దృష్టిని ఈ అమ్మ‌డు ఆక‌ర్షించింది. త‌ర్వాత టాలీవుడ్‌కి ‘ఛలో’ అంటూ ఎంట్రీ ఇచ్చేసింది. ఆ సినిమా కూడా హిట్ కావ‌టంతో ముద్దుగుమ్మ‌కి అవ‌కాశాలు క్యూ క‌ట్టాయి. నెమ్మ‌దిగా తెలుగులో మ‌హేష్ (Mahesh Babu), విజ‌య్ దేవ‌ర‌కొండ (Vjay Deverakonda), అల్లు అర్జున్‌ (Allu Arjun)ల‌తో క‌లిసి సిల్వ‌ర్ స్క్రీన్‌పై సంద‌డి చేసింది.

Also Read :