Rashmika Mandanna: ఇలా చేయటం కరెక్ట్ కాదు..ప్రశాంతంగా ఉండనివ్వటం లేదు.. ట్రోలింగ్‌పై రష్మిక మందన్న రియాక్షన్

కిరిక్ పార్టీ అనే క‌న్నడ చిత్రంతో కెరీర్ స్టార్ట్ చేసిన ర‌ష్మిక మంద‌న్న‌ (Rashmika Mandanna).. తెలుగు ప్రేక్ష‌కుల‌ను ఛ‌లో (Chalo) సినిమాతో ప‌ల‌క‌రించింది. ఆ సినిమా ఇక్క‌డ హిట్ కావ‌టంతో పాటు గీత గోవిందం (Geetha Govindam) బ్లాక్ బ‌స్ట‌ర్ అయ్యింది. ఆ త‌ర్వాత మ‌హేష్ (Mahesh Babu) వంటి స్టార్ హీరోతో స‌రిలేరు నీకెవ్వ‌రు (Sarileru Neekevvaru) చిత్రంలో ఆడిపాడింది. పాన్ ఇండియా మూవీ పుష్ప ది రైజ్ చిత్రంలో శ్రీవ‌ల్లిగా పుష్ప‌రాజ్‌తో జ‌త క‌ట్టింది. ఓ వైపు ద‌క్షిణాది సినిమాల‌తో పాటు బాలీవుడ్‌లోనూ ర‌ష్మిక క్రేజీ సినిమాల్లో నటిస్తుంది. ఈమె వ్య‌క్తిగ‌త జీవితంలోనూ కొన్ని విమ‌ర్శ‌లు వ‌చ్చాయి. ర‌క్షిత్ శెట్టితో నిశ్చితార్థం క్యాన్సిల్ అయిన‌ప్పుడు స‌ద‌రు హీరో ఫ్యాన్స్ ర‌ష్మిక‌ను తెగ ట్రోల్ చేశారు. త‌ర్వాత విజ‌య్ దేవ‌ర‌కొండ‌ (Vijay Deverakonda)తో డేటింగ్ చేస్తుందంటూ కూడా వార్త‌లు వ‌చ్చిన్న‌ప్పుడు కూడా ర‌ష్మిక ట్రోలింగ్‌ను ఫేస్ చేసింది. ఈ క‌మ్రంలో ర‌ష్మిక మంద‌న్న త‌నపై ట్రోలింగ్ చేస్తున్న వారిని రిక్వెస్ట్ చేస్తూ సోష‌ల్ మీడియాలో ఓ లెట‌ర్ పోస్ట్ చేసింది.

‘‘గడిచిన కొన్ని రోజులు, వారాలు, నెలలు లేదా సంవత్సరాలుగా విషయాలు కొన్ని నన్ను ఇబ్బంది పెడుతున్నాయి. వాటికి ముగింపు చెప్పాలని అనుకుంటున్నాను. నిజానికి ఈ ప‌నిని ఎప్పుడో చేయాల్సింది. కాస్త లేట్ అయ్యింది. నేను న‌టిగా కెరీర్ ప్రారంభం చేసిన‌ప్ప‌టి నుంచి కొంద‌రు నన్ను ద్వేషిస్తున్నారు. కొంద‌రైతే దారుణంగా ట్రోలింగ్ చేశారు. వారి చ‌ర్య‌లు ఇప్ప‌టికీ న‌న్ను ప్ర‌శాంతంగా ఉండ‌నివ్వ‌టం లేదు.

అయితే ఇండ‌స్ట్రీలో ప్ర‌తీ ఒక్క‌రినీ ప్రేమించాల‌ని, ఆద‌రించాల‌నేం లేదు. అయితే ఇంత‌లా ద్వేషించాల‌ని లేదు. న‌చ్చ‌క‌పోతే న‌చ్చ‌లేదు అని చెప్ప‌టంలో త‌ప్పు లేదు. అయితే ఇంత విమ‌ర్శ‌లు ఎందుకు చేయాల‌నే దానిపై అర్థం లేదు. ఇలా ట్రోలింగ్ చేయాల్సిన అవ‌స‌రం లేదు. అయితే అంద‌రినీ హ్యాపీగా ఉంచ‌ట‌మే నాకు తెలుసు. మీరంద‌రూ గ‌ర్వ‌ప‌డేలా న‌టించాల‌నే అడుగులు వేస్తున్నాను. అయితే ఇలాంటి ట్రోల్స్ అడుగ‌డుగునా అడ్డుప‌డుతుంటే అనుకున్న ల‌క్ష్యాన్ని ఎలా సాధిస్తాను’’ అని ఓ లెట‌ర్‌ను సోషల్ మీడియాలో షేర్ చేశారు రష్మిక మందన్న. ఇప్పుడా లెట‌ర్ నెట్టింట తెగ వైర‌ల్ అవుతుంది.