Liger Naked Pic : నగ్నంగా విజయ్.. అతనే నాకు స్పూర్తి అంటోన్న రష్మిక మందన

విజయ్ దేవరకొండ(Vijay Deverakonda) నేడు సోషల్ మీడియా మొత్తాన్ని ఊపేస్తున్నాడు. లైగర్(Liger Naked Pic) సినిమా నుంచి అదిరిపోయే పోస్టర్‌ను విడుదల చేశారు. అలా ఒక్కసారిగా విజయ్ నగ్నంగా కనిపించడం, పూల బొకేను అడ్డం పెట్టుకుని కనిపించడంతో లైగర్ పోస్టర్ నెట్టింట్లో వైరల్ కాసాగింది. ఈ పోస్టర్ మీద సెలెబ్రిటీల రియాక్షన్ హైలెట్ అవుతోంది. మరీ ముఖ్యంగా అనుష్క, సమంత, రష్మిక మందన వంటి వారి పోస్టులు వైరల్ అవుతున్నాయి.
ఇది వరకు నీకు స్పూర్తి ఎవరు?అని అడిగితే.. ఎవరి పేరు చెప్పాలో అర్థమయ్యేది కాదు.. కానీ ఇప్పుడు చెబుతున్నా.. నువ్వే నాకు స్పూర్తి.. నీకు మా ప్రేమ, సపోర్ట్ ఎప్పుడూ ఉంటాయ్.. నువ్వేంటో.. ఏం చేయగలవో అందరికీ చూపించు.. నీ లా ఎవ్వరూ చేయలేరు అంటూ రష్మిక మందన పోస్ట్ వేసింది.ఇక మరో వైపు ఈ పోస్టర్ మీద అనుష్క, సమంతలు కూడా స్పందించారు. పూరి జగన్నాథ్ చేసే మ్యాజిక్ మున్ముందు చూడాలంటూ..విజయ్ ది బెస్ట్ అని ఎప్పుడూ కూడా ప్రయోగాలు చేస్తున్నాడంటూ.. అనుష్క శెట్టి చెప్పుకొచ్చింది. ఇక సమంత అయితే.. విజయ్ గట్స్ గురించి చెప్పుకొచ్చింది. నీకు రూల్స్ ఏంటో తెలుసు.. అందుకే వాటిని బ్రేక్ చేసేస్తావ్ అని అనేసింది.

అయితే ఈ పోస్టర్ మీద మాత్రం నెట్టింట్లో మిశ్రమ స్పందన వచ్చేస్తోంది.చాలా మంది ఇలాంటి పిచ్చి పోస్టర్ల మీద మీమ్స్, ట్రోల్స్ చేస్తున్నారు. ఇక విజయ్ నగ్న ఫోటో మీద ఈ రోజు ట్రెండ్ అయిన మీమ్స్, వచ్చిన ట్రోల్స్ ఇది వరకు ఎన్నడూ చూసి ఉండరు. అయితే ఇంకొందరు మాత్రం ఈ పోస్టర్‌ను పీకే సినిమాలో ఆమిర్ ఖాన్‌తో పోల్చేస్తున్నారు.