రవితేజ ఫ్యాన్స్‌కు గుడ్ న్యూస్.. ‘రాజా ది గ్రేట్’?

ఇటీవల టాలీవుడ్ డ్రగ్స్ కేసులో ఆరోపణలు ఎదుర్కొని సిట్ విచారణకు హాజరైన రవితేజ సినిమాల్లో కనిపించి దాదాపు ఏడాదిన్నర పూర్తైంది. దీంతో మాస్ రాజా ఫ్యాన్స్ నిరాశలో ఉన్నారు. తమ అభిమాన నటుడి మూవీకోసం ఎదురు చూస్తున్నారు. అయితే 2017 ప్రారంభంలో ‘రాజా దిగ్రేట్, టచ్ చేసి చూడు లాంటి వరుస సినిమాలు చేస్తున్నట్టు ప్రకటించి అభిమానుల్లో జోష్ నింపాడు. తాజాగా ఆయన నటిస్తున్న ‘రాజా ది గ్రేట్’ మూవీ టీజర్‌తో ఫ్యాన్స్‌కి టచ్‌లో ఉండేందుకు వస్తున్నాడు ఈ మాస్ హీరో.

ఇడియ‌ట్ నుండి బెంగాల్ టైగ‌ర్ వ‌ర‌కు త‌న‌కే సొంత‌మైన‌ డిఫ‌రెంట్ బాడీ లాంగ్వేజ్‌, డైలాగ్ డెలివ‌రీతో ఆడియెన్స్‌లో త‌న‌దైన ఇమేజ్‌ను క్రియేట్ చేసుకున్న హీరో. మాస్‌కు స‌రికొత్త అర్థం చెప్పిన ఈ హీరోను కుర్ర‌కారు ముద్దుగా మాస్ మ‌హారాజా ర‌వితేజ అని పిలుచుకుంటారు. మాస్ మ‌హారాజా ర‌వితేజ‌ హీరోగా, శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై రూపొందుతున్న కొత్త చిత్రం `రాజా ది గ్రేట్`. `వెల్‌క‌మ్ టు మై వ‌ర‌ల్డ్‌` క్యాప్ష‌న్‌తో త్వరలో ప్రేక్షకులముందుకు రానుంది. ఈ సందర్భంగా ‘రాజా ది గ్రేట్’ టీజర్‌ను ఆగష్టు 15 సందర్భంగా రిలీజ్ చేస్తున్నట్లు ట్వీట్ చేశారు చిత్ర దర్శకుడు అనిల్ రావిపూడి. ‘మాస్‌ మహారాజా రవితేజను మునుపెన్నడూ లేనివిధంగా చూపించబోతున్నట్లు కొత్త పోస్టర్‌ను విడుదల చేశారు. రాజా కొత్త అవతారంలో వస్తున్నాడని అనిల్‌ రావిపూడి ట్వీట్‌ చేశారు.

On this Independence Day, presenting to you our Mass Maharaj Ravi Teja as our Raja in a new avatar. #RajaTheGreatTeaser @RaviTeja_offl pic.twitter.com/NqI5y2U6rR — Anil Ravipudi (@AnilRavipudi) August 12, 2017
ప‌టాస్‌, సుప్రీమ్ వంటి సూప‌ర్‌డూప‌ర్ హిట్ చిత్రాల‌ను తెర‌కెక్కించిన యంగ్ డైరెక్ట‌ర్ అనిల్ రావిపూడి ద‌ర్శ‌క‌త్వంలో `రాజా ది గ్రేట్` సినిమా రూపొందుతుండటంతో ఈ సినిమాపై అంచనాలు ఏర్పడ్డాయి. ఈ సినిమా లోగో పోస్ట‌ర్‌ను మాస్ మ‌హారాజా ర‌వితేజ పుట్టిన రోజు జ‌న‌వ‌రి 26 రిప‌బ్లిక్‌ డే సంద‌ర్భంగా విడుద‌ల చేయగా అద్భుతమైన రెస్పాన్స్ వచ్చింది. ఈమూవీలో రవితేజ అంధుడిగా నటిస్తున్నట్లు తెలుస్తోంది. ఈమూవీలో రవితేజకు జంటగా.. ‘కృష్ణ‌గాడి వీర ప్రేమ‌గాథ’ ఫేమ్ మెహ‌రిన్ న‌టిస్తుంది.