‘రాజా ది గ్రేట్’ బొమ్మ పడింది.. సౌండ్ అదిరింది

మాస్ రాజా రవితేజ లాంగ్ గ్యాప్ తరువాత రాజా.. రాజా.. రాజా ది గ్రేటురా!! తళ తళ టు థౌజండ్ నోటురా అంటూ డబుకు డిబుకు డప్పేసుకుంటూ ‘రాజా ది గ్రేట్’ మూవీతో ప్రేక్షకుల ముందుకు వచ్చేస్తున్నాడు. శ్రీ వెంకటశ్వర క్రియేషన్స్ బ్యానర్‌లో దిల్ రాజు నిర్మాతగా అనిల్ రావిపూడి దర్శకత్వంలో తెరకెక్కుతున్న ‘రాజా ది గ్రేట్’మూవీ దీపావళి కానుకగా అక్టోబర్ 18న థియేటర్స్‌లో సందడి చేసేందుకు రెడీ అయ్యింది.

కాగా హైదరాబాద్‌లో ఈ మూవీ స్పెషల్ షో ఇప్పటికే ప్రదర్శించడంతో సినిమా చూసిన చిత్రయూనిట్ ఆనందంతో సంబరాలు జరుపుకుంటుంది. ఈ స్పెషల్‌కు చిత్ర యూనిట్‌తో పాటు టాలీవుడ్‌కు చెందిన ప్రముఖ నటీ నటులు హాజరయ్యారు. ఈ సందర్భంగా చాలా రోజుల తరువాత మాస్ రాజా రవితేజ తన విశ్వరూపాన్ని చూపాడని ‘రాజా ది గ్రేట్’ మూవీతో మాస్ రాజ్ ఈజ్ బ్యాక్ అంటూ థియేటర్ బయట బాణాసంచా కాల్చి సంబరాలు జరుపుకున్నారు. ఈ వీడియోను ట్విట్టర్ ద్వారా షేర్ చేశారు సినీ విశ్లేషకులు వంశీ కాక.

#RajaTheGreat team celebrations after watching the film. pic.twitter.com/nRFf5o4Mhp — Vamsi Kaka (@vamsikaka) October 16, 2017
పటాస్, సుప్రీమ్ వంటి వరుస హిట్‌లు సాధించిన యువ దర్శకుడు అనిల్ రావిపూడి ‘రాజా ది గ్రేట్‌’ హ్యాట్రిక్ హిట్ చిత్రాల దర్శకుడిగా రికార్డ్ క్రియేట్ చేశాడని యూనిట్ సంబరాల్లో మునిగి తేలింది. మాస్ రాజా అంధుడిగా అదిరిపోయే పెర్ఫామెన్స్ ఇచ్చాడని.. ఆయన చేసిన కామెడీని థియేటర్స్ ప్రేక్షకులు బాగా ఎంజాయ్ చేస్తారంటున్నారు. మరోవైపు ఈ మూవీలో రవితేజకు జోడీగా నటించిన మెహ్రీన్ తన అందచందాలతో పాత్రకు తగ్గట్టు న్యాయం చేసిందంటున్నారు.

మరోవైపు ‘రాజా ది గ్రేట్’ద్వారా మాస్ మహారాజా రవితేజ తనయుడు వెండితెరకు పరిచయం కావడం మరో విశేషం కాగా ఈ మూవీలో సుప్రీం బ్యూటీ రాశి ఖన్నా ఓ ఐటంసాంగ్‌లో స్టెప్పేసింది. ప్రకాష్ రాజ్‌, రాధికా శ‌ర‌త్‌కుమార్‌, శ్రీనివాస‌రెడ్డి త‌దిత‌రులు ప్రధాన పాత్రలు పోషించిన ఈ మూవీకి యువ సంగీత దర్శకుడు సాయికార్తీక్ అద్భుతమైన మ్యూజిక్ అందించారు.