ఎన్టీఆర్ ‘బిగ్‌బాస్ షో’ జడ్జిమెంట్‌పై విమర్శలు!

తెలుగు బుల్లితెరపై బిగ్గెస్ట్ రియాలిటీ షోగా భారీ అంచనాలతో జూలై 16న ప్రారంభమైన సంగతి తెలిసిందే. ఈ షోకి వెండితెర బాద్ షా ఎన్టీఆర్ హోస్ట్‌గా వ్యవహరిస్తుండటంతో ఆయన ఆభిమానుల్లోనే కాకుండా సాధారణ ప్రేక్షకుల్లో కూడా ఆసక్తిఏర్పడింది. ప్రేక్షకుల అంచనాలకు తగ్గట్లే ఈ షో ప్రేక్షకాదరణ పొందటంతో పాటు రేటింగ్స్ విషయంలో సరికొత్త రికార్డ్స్‌ను క్రియేట్ చేసింది. ముఖ్యంగా శని, ఆదివారాల్లో ఎన్టీఆర్ ఎంట్రీ ఇస్తుండటంతో ఆ రెండు రోజులు టాప్‌ రేటింగ్స్‌లో నిలుస్తుంది బిగ్ బాస్.

ఇక బిగ్‌బాస్ షో 58 ఎపిసోడ్‌లను సక్సెస్‌ఫుల్‌గా కంప్లీట్ చేయండంతో ఇక 12 ఎపిసోడ్‌లు మాత్రమే మిగిలిఉన్నాయి. దీంతో బిగ్‌బాస్ సీజన్ 1 పతాక దశకు చేరుకుంది. 14 మంది కన్టెస్టెంట్స్‌తో ప్రారంభమైన బిగ్‌బాస్ షోలో ప్రస్తుతం ఆరుగురు మాత్రమే మిగిలారు. తాజాగా బిగ్ బాస్ టైటిల్ విన్నర్ రేస్‌లో మొదటి నుండి ముందు వరుసలో ఉన్న ప్రిన్స్ ఎలిమినేట్ కావడం ఈ షోపై విమర్శలు వస్తున్నాయి.

పైగా ఈ బిగ్‌బాస్ షోలో ఎలిమినేషన్ ప్రక్రియ మా చేతుల్లో లేదని అంతా ప్రేక్షకుల చేతుల్లోనే ఉంటుందని వారి ఓటింగ్ ద్వారానే హౌస్‌లో ఉండేది వెళ్లేది డిసైడ్ అవుతుందని ఎన్టీఆర్ పదే పదే చెప్తున్నా ఎందుకో ప్రేక్షకుల్లో ఈ ఓటింగ్ విధానం నమ్మకం కలగడం లేదు. ఎందుకంటే హౌస్‌లో మొదటి నుండి వీక్ కన్టెస్టెంట్‌గా ఉన్న అర్చనను కంటిన్యూ చేయండం.. వైల్డ్ కార్డ్ ఎంట్రీ ద్వారా హౌస్‌లోకి వచ్చిన దీక్షను కాపాడుకుంటూ రావడం ఇవన్నీ ఓటింగ్‌పై అనుమానాలు కలిగేలా చేస్తున్నాయి.

Time to vote..Type 'Bigg Boss Telugu Vote' and cast your votes #BiggBossTelugu pic.twitter.com/ISVa4KNJr2 — STAR MAA (@StarMaa) September 11, 2017
మరోవైపు ఎన్టీఆర్ చెబుతున్నట్టు ప్రేక్షకుల ఓటింగ్‌ను పరిగణలోనికి తీసుకుంటే.. ఆడియన్స్ ఓటింగ్‌ ద్వారా బిగ్‌బాస్ హౌస్ నుండి ఎలిమినేట్ చేసిన ముమైత్ ఖాన్‌ను తిరిగి సీక్రెట్ రూం టాస్క్ అంటూ హౌస్‌కి తీసుకురావడం ఆ తరువాత మళ్లీ ఎలిమినేట్ చేయడం షోపై విమర్శలకు తావిచ్చింది. ఇకపోతే ఈ ఓటింగ్‌ నిజమైతే నిన్నటి వరకూ అత్యధిక ఓటింగ్ పొందిన ప్రిన్స్ సడెన్‌గా లీస్ట్ పొజిషన్‌కి ఎలా వచ్చేశాడని ప్రేక్షకులతో పాటు ప్రిన్స్ తల్లి కూడా ప్రశ్నిస్తున్నారు. ఇటీవల ఓ మీడియా ఇంటర్వ్యూలో ప్రిన్స్ తల్లి సునీత మాట్లాడుతూ... ఓటింగ్ ప్రక్రియ అంత నమ్మశక్యంగా లేదని అభిప్రాయపడ్డారు.

Read Bigg Boss Telugu Updates Here: బిగ్‌బాస్ అన్ని ఎపిసోడ్‌లు ఒక్కక్లిక్‌తో

ఇదిలా ఉంటే ఆదివారం నాటి ఎపిసోడ్‌లో ఫైనల్‌కి వెళ్లే ముందు కావాల్సిన డ్రామా ప్రిన్స్ ఎలిమినేషన్‌తో తీసుకొచ్చారు ఎన్టీఆర్. ప్రిన్స్‌ ఎలిమినేషన్‌కి పరోక్షంగా నువ్వే కారణమంటూ ఆదర్శ్‌ని బహిరంగంగా ఎత్తి చూపించి అతడిపై మానసిక ఒత్తిడిని పెంచాడు. దీంతో మిగిలిన ఆరుగురి కన్టెస్టెంట్స్‌లో వీక్‌గా కనిపిస్తున్న ఆదర్శ్‌పై ప్రేక్షకుల్లో సానుభూతి కలిగే ప్రయత్నంలో ఇదో ఎత్తుగడ అని తేలిపోయింది.

ఇక అప్పటి వరకూ హౌస్‌లో ప్రాణ మిత్రుల్లా ఉన్న ప్రిన్స్, ఆదర్శ్‌లు ఎండింగ్‌కి వచ్చేసరికి శత్రువుల్లా మరిపోయారు. ఆదర్శ్.. ప్రిన్స్‌ని కాదని కేవలం కలరింగ్‌తోనే నెట్టుకొస్తున్న దీక్షకు ఓట్ చేయడం వల్లే ప్రిన్స్ ఎలిమినేట్ కావడానికి కారణం అనేట్టు సీన్ క్రియేట్ చేశారు. మరోవైపు ఈవారం అత్యధిక ఓటింగ్స్‌ను సాధించిన హరితేజను సైతం ఎలిమినేషన్‌కు నామినేట్ చేసి మరో ట్విస్ట్ ఇచ్చారు. కాకపోతే హరితేజ ఎలిమినేషన్‌కు నామినేట్ అవటం కొత్త కాదు కాని శివబాలాజీ, నవదీప్‌ల కంటే అత్యధిక ఓటింగ్స్ ఉన్న హరితేజను నామినేట్ చేయడం వెనుక గేమ్ ప్లాన్ లేకపోలేదు.

హౌస్‌లో బలంగా ఉన్న కన్టెస్టెంట్‌కు షాక్ ఇస్తూ బలహీనమైన కన్టెస్టెంట్స్‌పై ఎలాగోలా సింపతీ పెరిగేట్లు చేయడమే బిగ్‌బాస్ షో కొత్త స్టాటజీలా కనిపిస్తుంది. ఈ సందర్భంలో ఎన్టీఆర్ జనతా గ్యారేజ్ ఫేమస్ డైలాగ్‌ ‘బలవంతుడు బలహీనుడ్ని భయపెట్టడం ఆనవాయితీ బట్ ఫర్ ఏ ఛేంజ్ ఆ బలహీనుడి పక్కన కూడా బలం ఉంది’అనే దాన్ని బాగావాడేసినట్టు కనిపిస్తుంది. అందుకే బిగ్ బాస్‌లో మొదటి నుండి బలంగా ఉన్న కత్తి కార్తీక, ప్రిన్స్ లను ఎలిమినేట్ చేయండా బలహీనంగా ఉన్న దీక్ష, అర్చనలను కాపాడుకుంటూ రావడం పలు వివర్శలకు తావిస్తోంది. అయితే మొత్తానికి బిగ్ బాస్ సీజన్ 1 తొలి ఎపిసోడ్‌ను అన్ని టాస్క్‌లలోనూ చాలా యాక్టివ్‌గా ఉన్న ప్రిన్స్ ఎలాగూ ఎలిమినేట్ అయ్యాడు. ఇక ఈవారం ఎలిమినేషన్స్ నామినేషన్స్‌లో హరితేజ రానే వచ్చింది. దీంతో వైల్డ్ కార్డ్స్ ఎంట్రీలు దీక్ష, నవదీప్‌లలో ఎవరో ఒకరికి బిగ్ బాస్ టైటిల్ కట్టబెట్టినా ఆశ్చర్యంలేదనే కామెంట్స్ ఎక్కువగా వినిపిస్తున్నాయ్... మొత్తానికి దీక్ష ఆధ్వర్యం బాగానే వర్కౌట్ అవుతుంది. చూద్దాం ఫైనల్ ఫైట్‌లో బిగ్‌బాస్ ఎలాంటి ట్విస్ట్ ఇస్తారో ఈ విమర్శలకు ఎలా ఫుల్‌స్టాప్ పెడతారో.

Read Bigg Boss Telugu Updates Here: బిగ్‌బాస్ అన్ని ఎపిసోడ్‌లు ఒక్కక్లిక్‌తో