రెజీనా ఆ కండలవీరుడుతో రొమాన్స్!

టాలీవుడ్ కండలవీరుడు రానా ఇటీవల 'ఘాజీ' సినిమాతో సక్సెస్ అందుకున్నాడు. ఒక్క తెలుగులో మాత్రమే కాకుండా తను నటించిన బాహుబలి, ఘాజీ చిత్రాలు ఇతర బాషల్లో కూడా విడుదలయ్యాయి. ఆరంభం, బెంగళూర్ నాట్కల్ వంటి చిత్రాలతో తమిళ ప్రేక్షకులకు కూడా రానా దగ్గరయ్యాడు.

బాహుబలి సినిమాతో తన క్రేజ్‌ను మరింత పెంచుకున్నాడు. అయితే ప్రస్తుతం రానా ఓ బైలింగ్యువల్ సినిమా చేయడానికి రెడీ అవుతున్నాడు. దర్శకుడు సత్యశివ రూపొందించనున్న ఈ సినిమా కథ రానాకు నచ్చడంతో గ్రీన్ సిగ్నల్ ఇచ్చేశాడు. అయితే ఈ సినిమాలో హీరోయిన్ గా రెజీనాను సంప్రదించినట్లుగా తెలుస్తోంది.
తెలుగులో ఈ భామకు అవకాశాలు అంతంతమాత్రంగానే ఉన్నా.. కోలీవుడ్‌లో మాత్రం వరుస అవకాశాలతో దూసుకుపోతుంది.

స్వాతంత్ర్యం సాధించక ముందు జరిగిన ఓ చారిత్రక కథాంశంతో ఈ చిత్రాన్ని రూపొందించనున్నారు. ఈ పిరియాడికల్ సినిమాకు ‘మడైతిరంద’ అనే టైటిల్‌ను పరిశీలిస్తున్నారు. మరి ఈ సినిమా రానా, రెజీనాలకు ఎలాంటి సక్సెస్ ను ఇస్తుందో చూడాలి.