‘భైరవగీత’ దర్శకుడు పిచ్చోడు కాదు, ఫ్రాడ్ చేయడు: వర్మ
‘భైరవగీత నాకు చాలా స్పెషల్ మూవీ. ఇన్నేళ్లలో నేను ఎన్నో సినిమాలను డైరెక్ట్ చేశాను, ప్రొడ్యూస్ చేశాను. డైరెక్షన్ అంటే ఓవరాల్ ఎఫెక్ట్ అని అందరూ అనుకుంటారు. కానీ..
Samayam Telugu24 Nov 2018, 9:00 pm
ధనుంజయ్, ఐరా మోర్ హీరో హీరోయిన్లుగా రామ్గోపాల్ వర్మ సమర్పణలో తెరకెక్కితున్న రొమాంటిక్ యాక్షన్ ఎంటర్టైనర్ మూవీ ‘భైరవగీత’. అభిషేక్ పిక్చర్స్ పతాకంపై సిద్ధార్థ తాతోలు దర్శకత్వం వహిస్తుండగా.. అభిషేక్ నామ, భాస్కర్ రాశి ఈ చిత్రాన్ని నిర్మించారు. లవ్ యాక్షన్ థ్రిల్లర్గా రూపొందిన ఈ చిత్రం నవంబర్ 30న విడుదలవుతుంది. ఈ సందర్భంగా హైదరాబాద్ మాదాపూర్లో హై లైఫ్ పబ్లో ప్రీ రిలీజ్ ఫంక్షన్ని నిర్వహించారు.
Samayam Telugu
ఈ సందర్భంగా చిత్ర సమర్పకుడు, సంచలన దర్శకుడు రామ్ గోపాల్ వర్మ మాట్లాడుతూ.. ‘భైరవగీత నాకు చాలా స్పెషల్ మూవీ. ఇన్నేళ్లలో నేను ఎన్నో సినిమాలను డైరెక్ట్ చేశాను, ప్రొడ్యూస్ చేశాను. డైరెక్షన్ అంటే ఓవరాల్ ఎఫెక్ట్ అని అందరూ అనుకుంటారు. కానీ ఉన్న మెటీరియల్ను ఉపయోగించి సినిమాటిక్గా యాంగిల్లో మార్చేవాడే డైరెక్టర్ అని భావన. కొన్ని సీన్స్ ను పేపర్ మీద రాసేటప్పుడు ఎలా ఉంటుంది. దాన్ని సినిమాగా డైరెక్టర్ ఎంత ఎక్కువ, తక్కు వ ఎఫెక్ట్తో డైరెక్ట్ చేశాడనే దానిపై దాని లైఫ్ ఆధారపడి ఉంటుంది.
ఈ మూవీ దర్శకుడు సిద్ధార్థ తాతోలు అసిస్టెంట్ ఎడిటర్గా నా దగ్గర ఏదో ఓ సినిమాకు పనిచేశాడు. ఆ సమయంలో తను ఎడిటింగ్కు సంబంధించి విలువైన సలహాలు ఇచ్చేవాడు. తను ఇంటెలిజెంట్. ఓసారి కడప వెబ్ సిరీస్ చేయడానికి ఆఫీస్లో డిస్కస్ చేస్తూ ఉంటే, సిద్ధార్థ ఆ ట్రైలర్ను నేను చేస్తానని చెప్పి చేశాడు. తనలో స్పార్క్ అప్పుడు నాకు నచ్చింది. సినిమాలో సీన్ కన్స్ట్రక్షన్ ఉంటుంది. సిద్ధూ అసలు ఎలా చేస్తాడనే డౌట్ ఉండేది. నువ్వు నిజంగా చేయగలుగుతావా! అని కూడా అడిగాను. ఎవరైనా చేయలేని పనిని చేస్తానని చెబుతున్నారంటే వాడు ఫ్రాడ్ అయ్యుండాలి.. లేదా పిచ్చోడైనా అయ్యుండాలి. సిద్ధూ పిచ్చోడు కాదు.. తనే డైరెక్టర్ కాబట్టి ఫ్రాడ్ చేయాల్సిన అవసరం తనకు ఉండదు అనే నమ్మకంతో సినిమా అవకాశాన్ని ఇచ్చాను.
నేను చాలా సినిమాలు ప్రొడ్యూస్ చేశాను. కొన్ని బాగా వస్తాయి. కొన్ని బాగా రావు. ఈ సినిమా ఫస్ట్ షెడ్యూల్ రషెష్ చూసి నేను షాకయ్యాను. నేను స్క్రిప్ట్ చదివినప్పుడు, డైరెక్టర్గా నాకొక విజన్ ఉంటుంది. దాన్ని బట్టి నేను ఇమాజినేషన్తో ఎడిటింగ్ రూమ్లోకి వెళితే.. నేను షాకయ్యాను. ఈ సీన్ను ఇలా తీయ్యొచ్చా అని కూడా అనిపించింది. అది నాకొక లెర్నింగ్ లెసన్. డైరెక్షన్ అనుభవం లేకుండా సినిమా చేయడమనేది రేర్గా జరిగే విషయం. నా టైంలో నేనున్నాను. మణిరత్నంగారు కూడా అసిస్టెంట్గా పనిచేయలేదు. శేఖర్ కపూర్ కూడా అసిస్టెంట్గా పనిచేయలేదు. ఈ మధ్య కాలంలో చాలా మంది అలాగే డైరెక్ట్ చేస్తున్నారు. భైరవగీత చాలా కాంప్లెక్స్ మూవీ. 90 శాతం మంది కొత్తవాళ్లే.. వాళ్ల నుండి అంత పెర్ఫామెన్స్లు రాబట్టడమనే గొప్ప విషయం’ అని అన్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.