నాలుగో వారంలో RRR కలెక్షన్స్.. ఈ 23 రోజుల్లో లాభం ఎన్ని కోట్లంటే!

భారీ అంచనాల నడుమ మార్చి 25న విడుదలైన RRR సినిమా విజయవంతంగా ప్రదర్శించబడుతూ లాభాల బాటలో పయనిస్తోంది. ఇప్పటికే సక్సెస్‌ఫుల్‌గా 3 వారాలు పూర్తిచేసుకున్న ఈ సినిమా నాలుగో వారం లోనూ చెప్పుకోదగిన కలెక్షన్స్ రాబట్టింది. దిన దినం కొద్దిమేర వసూళ్లలో హెచ్చుతగ్గులు కనిపిస్తున్నప్పటికీ 4th వీకెండ్‌లో డీసెంట్ కలెక్షన్స్ నమోదయ్యాయి.

నిన్న (23వ రోజు) శనివారం సెలవు దినం కావడంతో అన్ని థియేటర్స్ వద్ద మరోసారి జనం తాకిడి కనిపించింది. దీంతో రెండు తెలుగు రాష్ట్రాల్లోని అన్ని ఏరియాల్లో కలిసి 23వ రోజుకు గాను 67 లక్షల రూపాయలు వసూలు చేసింది RRR మూవీ. ఇందులో నైజాంలో అత్యధికంగా 31 లక్షల రూపాయలు వసూలయ్యాయి. ఇకపోతే మొత్తంగా ఈ 23 రోజుల్లో కలిపి చూస్తే 262.58 కోట్ల నెట్, 396.05 కోట్ల గ్రాస్ వసూలైంది.
అప్పుడే పెళ్లి విషయం అందరికీ చెబుతా..! ప్రభాస్ ఇంట్రెస్టింగ్ కామెంట్స్
ఏపీ, తెలంగాణతో పాటు కర్ణాటక, తమిళనాడు, కేరళ, హిందీ, ఓవర్సీస్ కలిపి ప్రపంచవ్యాప్తంగా చూస్తే ఈ 23 రోజుల్లో 581.69 కోట్ల షేర్‌, 1071 కోట్ల గ్రాస్‌ వసూలయినట్లు రిపోర్ట్స్ చెబుతున్నాయి. రిలీజ్‌కి ముందు రెండు తెలుగు రాష్ట్రాల్లో కలిపి 191 కోట్ల ప్రీ రిలీజ్ బిజినెస్ చేసిన ఈ సినిమా మిగితా అన్ని ఏరియాల్లో కలిపి రికార్డు స్థాయిలో 451 కోట్ల మేర బిజినెస్ చేసింది. దీంతో ఇప్పటివరకు చూస్తే 130 కోట్లకు పైగా లాభాల్లో కొనసాగుతోంది.
దీక్షలో ఎన్టీఆర్.. ఈ మాలధారణ ఎన్ని రోజులంటే..! తారక్ పిక్స్ వైరల్
రాజమౌళి రూపొందించిన ఈ భారీ సినిమాలో కొమురం భీం పాత్రలో ఎన్టీఆర్, అల్లూరి సీతారామరాజు పాత్రలో రామ్ చరణ్ నటించారు. ఆలియా భట్, ఒలీవియా మోరిస్ హీరోయిన్లుగా నటించారు. కీరవాణి బాణీలు కట్టగా.. శ్రీయ, అజయ్ దేవగన్, సముద్రఖని కీలకపాత్రలు పోషించారు.