HCA Awards 2023 : హెచ్‌సీఏ అవార్డ్స్.. 5 కేటగిరీల్లో హాలీవుడ్ చిత్రాలను వెనక్కి నెట్టిన RRR
RRR Movie: HCA Awards 2023లో ఆర్ఆర్ఆర్ సినిమా జోరు చూపించింది. హాలీవుడ్ చిత్రాలను దాటి 5 కేటగిరీల్లో విజేత‌గా నిల‌వ‌టం హాట్ టాపిక్‌గా మారింది. ఈ వేడుల‌క‌ల్లో రాజ‌మౌళితో పాటు రామ్ చరణ్ పాల్గొన్నారు.
Authored byతుమ్మల మోహన్ | Samayam Telugu25 Feb 2023, 3:46 pm
RRR Movie - HCA Awards 2023: దర్శకధీరుడు రాజమౌళి దర్శకత్వంలో మెగా పవర్‌స్టార్ రామ్ చరణ్, యంగ్ టైగ‌ర్ ఎన్టీఆర్ న‌టించిన భారీ బ‌డ్జెట్ చిత్రం RRR. గ‌త ఏడాది మార్చిలో విడుద‌లైన ఈ చిత్రం వ‌రల్డ్ వైడ్‌గా దాదాపు రూ.1200 కోట్ల‌ను వ‌సూలు చేసి ఇండియా టాప్ మూవీస్‌లో ఒక‌టిగా నిలిచింది. ఇప్పుడు ప్ర‌పంచం దృష్టిలో ప‌డింది. హాలీవుడ్‌లో RRR త‌న‌దైన గుర్తింపును సంపాదించుకుంది. మేకింగ్‌, న‌టీన‌టుల న‌ట‌న, రాజమౌళి టేకింగ్‌ల‌పై హాలీవుడ్ టెక్నీషియ‌న్స్ ప్ర‌శంస‌లు కురిపిస్తున్నారు.
Samayam TeluguRRR, ఆర్ఆర్ఆర్
మ‌రో వైపు ఈ సినిమాలో ‘నాటు నాటు..’ సాంగ్ ఉత్త‌మ ఒరిజిన‌ల్ సాంగ్ కేట‌గిరీలో ఆస్కార్ అవార్డ్స్‌కి ఎంపికైంది. మార్చి 12న ఫైన‌ల్ రిజ‌ల్ట్‌ను అనౌన్స్ చేయ‌బోతున్నారు. దీంతో ఎంటైర్ ఇండియా ఎంతో ఆస‌క్తిగా ఎదురు చూస్తోంది. మ‌రో వైపు, ఇప్ప‌టికే ఈ చిత్రం గోల్డెన్ గ్లోబ్ అవార్డును ద‌క్కించుకున్న సంగ‌తి తెలిసిందే. కాగా.. ఇప్పుడు RRR కీర్తి కిరీటంలో మ‌రి కొన్ని అవార్డులు చేరాయి. హాలీవుడ్ క్రిటిక్స్ అసోసియేష‌న్ అవార్డుల్లో (HCA Awards 2023) ఈ చిత్రం ఏకంగా ఐదు కేటగిరీల్లో విజేత‌గా నిల‌వ‌టం విశేషం. హాలీవుడ్ సినిమాల‌తో పోటీ ప‌డి ఏకంగా 5 కేటగిరీల్లో విజేత‌గా RRR సినిమాకు అవార్డులు రావ‌టంపై ఇండియ‌న్ సినీ ప్రేక్ష‌కులు సంతోషాన్నివ్య‌క్తం చేస్తున్నారు. HCA Awards 2023 వేడుక‌ల్లో డైరెక్ట‌ర్ ఎస్‌.ఎస్‌.రాజ‌మౌలి, హీరో రామ్ చ‌ర‌ణ్‌లు పాల్గొన్నారు. చరణ్ అయితే అవార్డ్ ప్రెజంట‌ర్‌గానూ మారారు.
హాలీవుడ్ సినిమాల్లో యాక్ష‌న్ స‌న్నివేశాలు అబ్బుర ప‌రుస్తుంటాయి. అటాంటి చిత్రాల‌నే త‌ల‌ద‌న్ని ఈసారి RRR బెస్ట్ యాక్ష‌న్ మూవీగా, బెస్ట్ స్టంట్స్ కేటగిరీల్లో విజేత‌గా నిలిచింది. అలాగే నాటు నాటు సాంగ్ అయితే బెస్ట్ సాంగ్‌గా అవార్డును ద‌క్కించుకుంది. ఇక ఉత్త‌మ విదేశీ చిత్రం కేట‌గిరీలోనూ RRR అవార్డును సొంతం చేసుకుంది. అలాగే స్పాట్ లైట్ అవార్డ్ కూడా ట్రిపులార్‌కే దక్కింది. మొత్తంగా చూస్తే HCA Awards 2023లో ఆర్ఆర్ఆర్‌కి 5 కేటగిరీల్లో అవార్డులు రావ‌టంపై అంద‌రూ హ్య‌పీగా ఉన్నారు.
RRR మూవీ 1920 బ్యాక్‌డ్రాప్‌లో రూపొందిన ఫిక్ష‌న‌ల్ పీరియాడిక్ మూవీ. ఇందులో అల్లూరి సీతారామ‌రాజు పాత్ర‌లో రామ్ చరణ్.. కొమురం భీమ్ పాత్ర‌లో యంగ్ టైగ‌ర్ ఎన్టీఆర్ న‌టించారు. ఇంకా బాలీవుడ్ స్టార్స్ ఆలియా భ‌ట్‌, అజ‌య్ దేవ‌గ‌ణ్ స‌హా హాలీవుడ్ స్టార్స్ ఒలివియా మోరిస్‌, రే స్టీవెన్ స‌న్‌, అలిస‌న్ డూడీ సైతం కీల‌క పాత్ర‌ల్లో న‌టించి మెప్పించారు.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్ర‌ముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
