Jr. NTR: రాజమౌళికి పిచ్చి! రమ చెప్పిన ఆ మాటతో ఆశ్చర్యపోయా..

దర్శకధీరుడు రాజమౌళితో సినిమా అంటే ఇక అంతే. ఏళ్ల తరబడి సమయం, అంతకుమించి ప్రతి రోజు కష్టం. ఆ కష్టానికి తగిన ఫలితం. ఇది ఆయనతో పనిచేసిన నటీనటులు చెప్పే మాట. షూటింగ్ విషయంలో ఎక్కడా వెనక్కి తగ్గరు జక్కన్న. తాను అనుకున్న అవుట్‌పుట్ వచ్చేంత వరకు నటీనటులను గానీ, టెక్నీషియన్స్‌ని గానీ అస్సలు వదలరు. సరిగ్గా ఇదే విషయాన్ని ప్రస్తావిస్తూ RRR షూటింగ్ సంగతులు, రాజమౌళిపై ఆయన భార్య రమ ఫీలింగ్స్ చెప్పారు యంగ్ టైగర్ ఎన్టీఆర్.

మార్చి 25వ తేదీన RRR సినిమాను ప్రపంచవ్యాప్తంగా గ్రాండ్‌గా రిలీజ్ చేస్తున్నారు. ఈ మేరకు చిత్ర ప్రమోషన్స్‌పై స్పెషల్ ఫోకస్ పెట్టిన రాజమౌళి.. తన హీరోలిద్దరు ఎన్టీఆర్, రామ్ చరణ్ లతో కలిసి పలు ఇంటర్వ్యూస్ అటెండ్ అవుతున్నారు. అయితే ఈ ప్రమోషన్లలో మరో టాలీవుడ్ దర్శకుడు అనిల్‌ రావిపూడి కూడా భాగమై ఎన్టీఆర్, రామ్ చరణ్, రాజమౌళిలను స్పెషల్ ఇంటర్వ్యూ చేశారు. ఇందులో ఎన్టీఆర్ చెప్పిన కొన్ని విషయాలు వైరల్ అవుతున్నాయి.

షూటింగ్ చేసి చేసి ఎంత అలిసిపోయి ఉన్నా కూడా రాజమౌళి వదిలేవారు కాదంటూ ఎన్టీఆర్‌ ఓపెన్ అయ్యారు. రాజమౌళి చేతిలో నలిగిపోతుంటే ఆ బాధను ఆయన భార్య రమతో చెప్పుకునేవాళ్లమని, ఆవిడేమో ఆయనకు పిచ్చి పెరిగిపోయింది నాన్నా, త్వరగా షూటింగ్‌ పూర్తి చేసుకుని వచ్చేయ్‌ బంగారం, వెళ్లురా బండ.. ఆ పిచ్చోడి దగ్గరకు పో అని చెప్పేదని ఎన్టీఆర్ అన్నారు. రమ చెప్పిన ఆ మాటతో ఆశ్చర్యపోయేవాళ్లమని తెలిపారు. ఆవిడే కాదు కీరవాణి సహా RRR యూనిట్ అంతా అదే మాట అనేవారని చెప్పారు ఎన్టీఆర్.
కృతి శెట్టికి బంపర్ ఆఫర్.. ఏకంగా ప్రభాస్ సినిమాలో ఛాన్స్!
RRR సినిమా విషయానికొస్తే.. 1920 బ్యాక్ డ్రాప్‌లో గ్రాండ్‌గా రాబోతున్న ఈ సినిమాలో అల్లూరి సీతారామరాజుగా రామ్ చరణ్, కొమురం భీంగా ఎన్టీఆర్ కనిపించనున్నారు. ఆలియా భట్, ఒలీవియా మోరిస్ హీరోయిన్లుగా నటించారు. బాలీవుడ్ హీరో అజయ్ దేవగన్, తమిళ నటుడు సముద్రఖని, సీనియర్ హీరోయిన్ శ్రీయ ముఖ్య పాత్రలు పోషించారు.