Adivi Sesh Marriage: నాగార్జున మేనకోడలు సుప్రియతో అడివి శేష్ పెళ్లి!

టాలీవుడ్ మరో పెళ్లి రూమర్ వైరల్ అవుతుంది. క్షణం, గూఢచారి చిత్రాలతో నటుడిగా ప్రూవ్ చేసుకున్న యంగ్ హీరో అడవి శేష్‌ అక్కినేని మేనకోడలు, ఒకప్పటి హీరోయిన్ యార్లగడ్డ సుప్రియను వివాహం చేసుకోబోతున్నాడంటూ వార్తలు ఊపందుకున్నాయి. హీరో నాగార్జున మేనకోడలు అయిన సుప్రియ.. హీరో సుమంత్‌కి తోబుట్టువు. ఇరవై ఏళ్ల క్రితం పవర్ స్టార్ పవన్ కళ్యాణ్ ‘అక్కడ అమ్మాయి.. ఇక్కడ అబ్బాయి’ చిత్రంతో హీరోయిన్‌గా టాలీవుడ్‌కి పరిచయమైంది సుప్రియ. ఆ సినిమా హిట్ కాలేకపోవడంతో మేనమామ నాగార్జునతో కలిసి అన్నపూర్ణ స్టుడియోస్ ప్రొడక్షన్ పనులు చూసుకుంటూ ఉండిపోయింది.

అయితే 2018లో అడవి శేష్ నటించిన ‘గూఢచారి’ చిత్రంలో ప్రాధాన్యత ఉన్న స్పై క్యారెక్టర్‌లో నటించింది. వాస్తవానికి నటన పట్ల పెద్దగా ఇంట్రస్ట్ చూపని సుప్రియ.. హీరో అడవి శేష్ కోరిక కాదనలేక మళ్లీ తెరముందుకు వచ్చిందని అప్పట్లో ప్రచారం నడిచింది. అయితే ఈ ఇద్దరి మధ్య స్నేహం చిగురించి అది ప్రేమగా మారడంతో త్వరలో పెళ్లి పీటలు ఎక్కుబోతున్నారట. ఈ పెళ్లి రూమర్స్‌కి ఇటీవల అడవి శేష్ చేసిన ట్వీట్ మరింత బలాన్ని ఇచ్చేదిగా ఉంది. ఈ నెల తరువాత తానో పెద్ద అనౌన్స్‌మెంట్ చేయబోతున్నానంటూ అడవి శేష్ ట్వీట్ చేయడంలో అది సుప్రియతో పెళ్లి వార్తే అంటూ ఊహాగానాలు వస్తున్నాయి.


ఇక వీరి పెళ్లికి పెద్దల నుండి కూడా గ్రీన్ సిగ్నల్ వచ్చిందని త్వరలో అఫీషియల్ అనౌన్స్‌మెంట్ రాబోతున్నట్టు సమాచారం. వీరి పెళ్లికి సంబంధించి వార్తలో చాలా ఆసక్తికరమైన విషయాలు బయటకు వస్తున్నాయి. వీరి ప్రేమను పెద్దల వరకూ వెళ్లడానికి అక్కనేని కోడలు సమంత అన్నీ తానై వ్యవహరించిందని.. ఈ ప్రేమకథలో ఆమె పెళ్లి పెద్ద అంటూ వార్తలు వస్తున్నాయి. తన కంటే ఐదేళ్లు పెద్దదైన సుప్రియను పెళ్లాడటం ఈ పెళ్లిలో మరో ట్విస్ట్. అక్కినేని మేనకోడలు పెళ్లి వార్తపై అఫీషియల్ అనౌన్స్‌మెంట్ రావాల్సిఉంది.