Kartikeya New Movie: ‘ఆర్ఎక్స్ 100’ హీరో కొత్త మూవీ షూటింగ్ ప్రారంభం

‘ఆర్‌ ఎక్స్ 100 ' మూవీతో అరంగేట్రం చేస్తూనే స్టార్‌గా మారిన హీరో కార్తికేయ గుమ్మకొండ. ఆపై ఎన్నో కథలు విన్నా ఒకే చెప్పని కార్తికేయ తాజాగా ఓ స్క్రిప్ట్ నచ్చి ఓకే చేశారు. జ్ఞాపిక ఎంటర్‌టైన్‌మెంట్స్, స్ప్రింట్‌ టెలీ ఫిలిమ్స్‌ సంయుక్తంగా ఆ మూవీని నిర్మిస్తోంది. అనిల్‌ కడియాల, తిరుమల్‌ రెడ్డి నిర్మాతలుగు వ్యవహరిస్తున్నారు. అర్జున్‌ జంధ్యాల దర్శకుడిగా ప‌రిచ‌య‌మ‌వుతున్న ఈ మూవీ రెగ్యుల‌ర్ షూటింగ్ నేడు (జనవరి 17) ఒంగోలులో ప్రారంభమైంది.

తన లేటెస్ట్ మూవీపై హీరో కార్తికేయ మాట్లాడుతూ.. 'ఆర్‌ ఎక్స్ 100' నాకు మంచి పేరు తీసుకొచ్చింది. నటుడిగా గుర్తింపు వచ్చింది. ఆ మూవీ తర్వాత ఎన్నో కథలు విన్నాను కానీ ఏ కథ నాకు నచ్చలేదు. ఈ క్రమంలో అర్జున్ జంధ్యాల చెప్పిన క‌థ బాగా న‌చ్చింది. కథ వినగానే సినిమాకు ఓకే చెప్పేశాను. ఇటీవల శుభ ముహూర్తాన ఓ షాట్ తీశాం. ఇక రెగ్యూలర్ షూటింగ్ చేస్తాం. అర్జున్ జంధ్యాల కథతో పాటు చెప్పిన విధానం ఆకట్టుకుందని’ తెలిపాడు.

దర్శకుడు అర్జున్ జంధ్యాల మాట్లాడుతూ.. తాను డైరెక్టర్ బోయపాటి శ్రీను దగ్గర దర్శకత్వ శాఖలో పనిచేశానని, ఆయన తనకు సోదరుడు లాంటి వారని చెప్పాడు. సినిమా అంటే అభిమానం ఉన్న నిర్మాతలు దొరకడంతో పాటు కార్తికేయ నా కథకు ఓకే చెప్పగానే సినిమా ప్రారంభించాం. నేటి నుంచి షూటింగ్ పనులు వేగవంతం చేస్తామన్నాడు.