చైతూ సినిమాకు రిలీజ్ డేట్ ఫిక్స్ !

'ఏమాయ చేసావే'లాంటి సినిమా తర్వాత గౌతమ్ మీనన్ డైరెక్షన్‌లో అక్కినేని నాగచైతన్య నటించిన మరో సినిమా 'సాహసం శ్వాసగా సాగిపో'. చాలాకాలంగా కాలం కలిసి రాకపోవడంతో ఏవేవో కారణాలతో సినిమా విడుదలని వాయిదా వేస్తున్న నిర్మాతలు తాజాగా రిలీజ్ డేట్‌ని ప్రకటించినట్టు టాక్ వినబడుతోంది. మొదట ఈ సినిమా నవంబర్ 18న రిలీజ్ కానుందనే వార్తలొచ్చినప్పటికీ తాజాగా సినీవర్గాల నుంచి అందుతున్న సమాచారం ప్రకారం నవంబర్ 11నే మూవీని రిలీజ్ చేయాలని నిర్మాతలు నిర్ణయించుకున్నట్టు తెలుస్తోంది.

అంతేకాకుండా నైజాం ఏరియా హక్కులు సైతం అమ్ముడుపోయాయని సినీవర్గాలు చెప్పుకుంటున్నాయి. ప్రముఖ నిర్మాత, డిస్ట్రిబ్యూటర్ దిల్ రాజు భారీగానే వెచ్చించి ఈ సినిమా నైజాం హక్కులు దక్కించుకున్నారనేది ఈ టాక్ సారాంశం. తెలుగు, తమిళ భాషల్లో ఏకకాలంలో తెరకెక్కిన ఈ సినిమాలో మళయాళం బ్యూటీ మంజిమ మోహన్ హీరోయిన్‌గా నటిస్తుండగా మ్యూజిక్ పరంగానూ ఏమాయ చేసావే కంపోజర్ ఏ.ఆర్. రెహ్మాన్ అందించిన మ్యూజిక్ మరోసారి గౌతమ్ వాసుదేవ్ మీనన్-చైతూల కాంబినేషన్‌కి తోడైంది.
సాహసం శ్వాసగా సాగిపో మూవీ కొత్త ట్రైలర్