‘ఇక మీదట పేదోడి ప్లాట్‌ఫామ్ ధర్మాభాయ్ డాట్.కామ్’ అంటూ ‘ఇంటిలిజెంట్’ టీజర్‌తో వచ్చేశాడు సాయిధరమ్ తేజ్. నందమూరి బాలకృష్ణ చేతుల మీదుగా ‘ఇంటిలిజెంట్’ టీజర్ కొద్దిసేపటి క్రితం విడుదలైంది. మాస్ డైరెక్టర్ వివి వినాయక్ దర్శకత్వం వహించగా.. సి. కల్యాణ్ ఈ చిత్రాన్ని నిర్మించారు.
విన్నర్, జవాన్ చిత్రాలతో సక్సెస్‌ను అందుకోలేకపోయిన సాయిధరమ్ తేజ్ ‘ఇంటిలిజెంట్’ చిత్రంలో హిట్ ట్రాక్ ఎక్కేందుకు మాస్ డైరెక్టర్ వినాయక్‌ను నమ్ముకోవడంతో ఈ మూవీని తనదైన శైలిలో తెరకెక్కిస్తున్నాడు వినాయక్. మాస్ పల్స్ తెలిసిన డైరెక్టర్‌గా పేరు తెచ్చుకున్న వినాయక్ తాజా టీజర్‌‌లో సాయి ధరమ్ తేజ్‌ను ధర్మాభాయ్‌గా పరిచయం చేశాడు.
ధర్మాన్ని.. ధర్మాభాయ్‌ని అంటూ వివి వినాయక్ మార్క్ కనిపించేటట్టు శత్రువుల తాట తీస్తున్నాడు సాయి ధరమ్. ఈ మూవీలో సాయి సరసన లావణ్య త్రిపాఠి నటిస్తుండగా.. తమన్ సంగీతాన్ని అందిస్తున్నారు. ఫిబ్రవరి 9న ప్రేక్షకుల ముందుకు వస్తున్న ‘ఇంటిలిజెంట్’ చిత్రానికి తమన్ సంగీతాన్ని అందిస్తుండగా.. పోసాని కృష్ణమురళి, ప్రియదర్శి, నాజర్‌, రాహుల్‌దేవ్‌ తదితరులు నటించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
