జవాన్ టీజర్: ఇదే నిజమైన దేశభక్తి

'కొంతమంది మనుషులు కలిస్తే కటుంబం అవుతుంది. కొన్ని లక్షల కుటుంబాలు కలిస్తే దేశం అవుతుంది. దేశం భక్తి అంటే కిరీటం కాదు.. కృతజ్ఞత' అంటూ దేశం కోసం ‘జవాన్‌’గా మారాడు సాయిధరమ్ తేజ్. ప్రముఖ రచయిత, దర్శకుడు బివిఎస్ రవి డైరెక్షన్‌లో సాయి ధరమ్ తేజ్ నటిస్తున్న ‘జవాన్’ మూవీ టీజర్(ప్రిల్యూడ్) ఈరోజు విడుదలైంది. దేశం కోసం ఏం చేయడానికైనా తెగించే యువకుడి క్యారెక్టర్‌లో సాయిధరమ్ తేజ్ నటిస్తున్నాడు. ఇప్పటికే ఈ సినిమా ఫస్ట్ లుక్, టైటిల్ ఆకట్టుకోవడంతో సినిమాపై అంచనాలు ఏర్పడ్డాయి. తాజా టీజర్‌లో సాయిధరమ్ గత చిత్రాలనకు భిన్నంగా కనిపిస్తున్నారు. దేశభక్తి కాన్సెప్ట్‌తో రవి పెద్ద ప్రయోగం చేస్తున్నారనే టాక్ నడుస్తోంది.


గతంలో ఇదే కాన్సెప్ట్‌తో శంకర్ తెరకెక్కించిన మూవీలు బ్లాక్‌బస్టర్ హిట్ చిత్రాలుగా నిలవడంతో రవి.. సాయి ధరమ్ తేజ్‌ను జవాన్‌గా ఏ రేంజ్‌లో చూపిస్తున్నాడని ఆసక్తిగా మారింది. గతంలో గోపీచంద్‌తో వాంటెండ్ మూవీని తెరకెక్కించిన రవి ఆ సినిమా ఆశించిన స్థాయిలో రిజల్ట్ ఇవ్వకపోవడంతో తన ఎఫర్ట్ మొత్తం ‘జవాన్’పై పెట్టినట్టు తెలుస్తోంది. తాజాగా విడుదలైన ‘జవాన్’ ప్రిల్యూడ్‌ సూపర్బ్ అంటూ గోపీమోహన్, తమన్, వెన్నెల కిషోర్‌లతో పాటు పలువురు సెలబ్రిటీలు ట్వీట్ల వర్షం కురిపిస్తున్నారు. జవాన్ మూవీలో సాయిధరమ్ తేజ్ సరసన మెహ్రీన్ కౌర్ నటిస్తోంది.

దేశభక్తి అనేది కిరీటం కాదు ...కృతజ్ఞత Good work #Jawaan Team.@BvsRavi garu @IamSaiDharamTej @MusicThaman Prelude is very nice & promising 👌 https://t.co/itUEOjFoPS — Gopi Mohan (@Gopimohan) July 31, 2017