అనుపమాకు సాయిధరమ్ తేజ్ సర్‌ప్రైజ్!

ప్రేమమ్, శతమానం భవతి, అ.ఆ, ఉన్నది ఒకటే జిందగీ.. సినిమాలతో ఆకట్టుకున్న అందాల అనుపమ పరమేశ్వర్ పుట్టిన రోజు వేడుకలు ఆదివారం ఘనంగా జరిగాయి. ఈ సందర్భంగా హీరో సాయిధరమ్ తేజ్, చిత్ర యూనిట్ బర్త్‌డే పార్టీతో సర్‌ప్రైజ్ ఇచ్చారు. ఈ సందర్భంగా అనుపమా మాట్లాడుతూ.. ‘హైదరాబాద్‌లో ఇది నా ఫస్ట్ బర్త్‌డే. సినిమా యూనిట్ నాకు తెలియకుండా ఈ సర్‌ప్రైజ్ ఇచ్చారు. రేపు ఒక కార్యక్రమం ఉంది మీ పర్మిషన్ కావాలని అని అడిగారు. కానీ, బర్త్‌డే పార్టీ ఏర్పాటు చేస్తారని అస్సలు ఊహించలేదు’’ అని అనుపమా ఈ సందర్భంగా తెలిపింది.

ప్రస్తుతం అనుపమ ‘కృష్ణార్జున యుద్ధం’ షూటింగ్ అనంతర కార్యక్రమాలు పూర్తిచేసుకుని విడుదలకు సిద్ధమవుతోంది. అనుపమ ప్రస్తుతం సాయిధరమ్ తేజ్ హీరోగా కరుణాకరణ్ దర్శకత్వంలో తెరకెక్కుతున్న చిత్రం షూటింగులో పాల్గొంటోంది.