రిలీజ్‌కు ‘జవాన్’ రెడీ!

సుప్రీమ్ హీరో సాయి ధరమ్ తేజ్, మెహ్రీన్ ఫిర్జాదా జంటగా నటిస్తున్న చిత్రం ‘జవాన్’. బీవీఎస్ రవి దర్శకత్వం వ‌హిస్తున్నారు. ప్రముఖ నిర్మాత దిల్ రాజు సమర్పణలో అరుణాచల్ క్రియేషన్స్ బ్యానర్‌పై కృష్ణ ఈ చిత్రాన్ని నిర్మిస్తున్నారు. ఇప్పటికే టాకీ పార్ట్ పూర్తిచేసుకుని.. షూటింగ్ చివరి షెడ్యూల్‌కు సన్నద్ధమవుతోంది. పక్కా ఫ్యామిలీ యాక్షన్ ఎంటర్‌టైనర్‌గా ‘జవాన్’ తెరకెక్కుతోంది. ఈ సినిమాను సెప్టెంబర్ 1 విడుదల చేయనున్నట్లు చిత్ర యూనిట్ ప్రకటించింది. ఈ మేరకు బుధవారం మీడియా సమావేశం నిర్వహించారు.

ఈ సందర్భంగా నిర్మాత కృష్ణ మాట్లాడుతూ... దర్శకుడు బీవీఎస్ రవి చెప్పిన కథలో అన్ని రకాల మాస్ ఎలిమింట్స్ ఉన్నాయన్నారు. కథ ఎంత ఆసక్తికరంగా చెప్పారో అలాగే సినిమాను తెర‌కెక్కించారన్నారు. సాయి ధరమ్ తేజ్, మెహ‌రిన్ కెమెస్ట్రీ స్రీన్ మీద బాగా పండుతుందన్నారు. ఎక్కడా కాంప్రమైజ్ కాకుండా చిత్రాన్ని నిర్మించామని చెప్పారు. సినిమా షూటింగ్ ఆఖరి షెడ్యూల్‌ని జులైలో పూర్తిచేస్తామని తెలిపారు. ఆగస్టులో పోస్ట్ ప్రొడక్షన్ పనులన్నిటీని పూర్తిచేసి సెప్టెంబ‌ర్ 1న చిత్రాన్ని విడుదల చేస్తామని చెప్పారు.

దిల్ రాజు మాట్లాడుతూ... ‘సాయి ధరమ్ క‌థ‌లో ఇన్‌వాల్వ్ అయ్యి మ‌రీ చేస్తున్నాడు. ఈ చిత్రాన్ని మా సన్నిహితుడు కృష్ణ నిర్మిస్తున్నాడు. అనుకున్నట్టుగా సినిమా చాలా బాగా వచ్చింది’ అన్నారు. సాయి ధ‌ర‌మ్ తేజ్ ఇప్పటి వరకు చేయని మంచి పాత్రలో నటిస్తున్నాడని దర్శకుడు రవి చెప్పారు. దేశానికి జవాన్ ఎంత అవసరమో... ప్రతీ ఇంటికి మా హీరో లాంటి వాడు ఉండటం అంతే అవసరమని చెప్పడమే మా ఉద్దేశమని అన్నారు.
Supreme Hero @IamSaiDharamTej @Mehreenpirzada's #Jawaan Dir by @BvsRavi Pro by @ArunachalCOffl Music by @MusicThaman Releasing on Sep 1st pic.twitter.com/mMCxEdJ1YP — BARaju (@baraju_SuperHit) June 28, 2017
మధ్య తరగతి కుటుంబానికి చెందిన ఓ యువకుడికి ఎలాంటి కష్టాలు వచ్చాయి.. తన కుటుంబాన్ని మ‌నోదైర్యంతో, త‌న బుద్ధిబ‌లంతో ఎలా కాపాడుకున్నాడన్నదే కాన్సెప్ట్ అని వివరించారు. ఇది పక్కా ఫ్యామీలీ ఎమోషన్స్‌తో కూడిన ఎంటర్‌టైనింగ్ కమర్షియల్ చిత్రమన్నారు. తమన్ అద్భుతమైన ట్యూన్స్ ఇచ్చాడని, మెహ్రీన్ ఈ సినిమాకు స్పెషల్ ఎట్రాక్షనని చెప్పారు.