పెళ్లా? అలాంటివి మనకు పడవు అంటున్న కేరళకుట్టి

పెళ్లి మాట ఎత్తితే చాలు అంతెత్తున లేస్తున్నారు నటీమనులు. ఇంతకుముందు పెళ్లి చేసుకోను కాని పిల్లల్ని కంటా అంటూ సంచలన కామెంట్ చేసి పెళ్లిమీద తన అభిప్రాయాన్ని చెప్పకనే చెప్పేసింది శ్రుతిహాసన్, ఈమధ్య చెన్నై సీనియర్ బ్యూటీ త్రిష కూడా పెళ్లి ప్రస్తావన తెస్తే నాకు అసహ్యం, చిరాకు అని అనేసింది. తాజాగా నాకు పెళ్లి వద్దు అనే తారల పట్టికలో మరో కేరళ బ్యూటీ చేరింది. ‘ప్రేమమ్’ చిత్రంతో తన నటనతో ఆకట్టుకుని వెలుగులోకి వచ్చిన వర్ధమాన నటి సాయిపల్లవి తాను పెళ్లే చేసుకోనంటూ తెగేసిచెప్పేసింది.

మలయాళం చిత్రం ప్రేమమ్‌తో ఒక్కసారిగా భూమ్‌లోకి వచ్చిన ఈ కేరళ కుట్టి అంతకు ముందు కంగనారనౌత్ నటించిన హిందీ చిత్రం ధామ్ ధూమ్‌లో చిన్న పాత్రలో మెరిసినా మలయాళం చిత్రం ప్రేమమ్‌తో ఒక్కసారిగా పాపులర్ అయ్యిది. దీంతో పల్లవి పాపులారిటీ విపరీతంగా పెరిగింది. ట్విట్టర్‌లో ఫేస్‌బుక్‌లో అభిమానులతో అందుబాటులో ఉంటూ వారితో ఇంట్రాక్ట్‌ అవుతుంది. ‘ఇంతకీ మీరు ప్రేమ పెళ్లి చేసుకుంటారా? లేక పెద్దలు నిశ్చియించిన పెళ్లి చేసుకుంటారా? అని ఓ అభిమాని అడిగిన ప్రశ్నకు నేను అసలు పెళ్లే చేసుకోను’ అని దమ్మతిరిగే ఆన్సర్ ఇచ్చింది సాయి పల్లవి. ప్రస్తుతం తెలుగులో శేఖర్ కమ్ముల దర్శకత్వంలో వరుణ్ తేజ్‌కు జంటగా ‘ఫిదా’ అనే చిత్రంలో నటిస్తున్న ఈ భామ కోలీవుడ్‌లో కూడా ఎంట్రీ ఇవ్వాలని తహతహలాడుతుందట.