సల్మాన్‌‌ ఖాన్.. ఆదాయంలోనూ టైగరే!

కండల వీరుడు సల్మాన్ ఖాన్ మరోసారి కళ్లు చెదిరే ఆదాయంతో ఫోర్బ్స్ ధనవంతులు జాబితాలో వరుసగా రెండోసారి మొదటి స్థానంలో నిలిచారు. ఆయన తర్వాతి స్థానంలో షారుక్, విరాట్ కొహ్లీ, అక్షయ్ కుమార్, సచిన్ టెండూల్కర్, అమీర్ ఖాన్, ప్రియాంక చోప్రా, ధోనీ, హృతిక్ రోషన్, రవీణ్‌వీర్ సింగ్‌లు తర్వాతి స్థానాల్లో నిలిచారు. సల్మాన్ ఖాన్ రూ.232.83 కోట్లతో ప్రథమ స్థానంలో నిలవగా, రూ.170.50 కోట్లతో షారుక్ ఖాన్, రూ.100.72 కోట్లతో భారత క్రికెట్ జట్టు సారథి విరాట్ కొహ్లీ రెండు, మూడు స్థానాల్లో నిలిచారు.

‘టైగర్‌ జిందా హై’ విడుదలైన రోజే సల్మాన్‌ ఖాన్‌ టాప్ సెలబ్రిటీ అనిపించుకోవడం విశేషం. 2016-2017లో సల్మాన్‌ సినిమాలు, బ్రాండ్‌లతో కలిపి సల్మాన్‌ ఆదాయం రూ.232.83 కోట్లు. ఇప్పటివరకూ సల్మాన్‌ సంపాదన మొత్తం రూ.2,683 కోట్లు. రూ.68.75 కోట్లతో ప్రియాంక చోప్రా హీరోలకు ధీటుగా నిలిచింది. ఎవరెవరు ఏయే స్థానాల్లో ఉన్నారో చూడండి.

1. సల్మాన్ ఖాన్ - రూ.232.83 కోట్లు
2. షారుక్ ఖాన్ - రూ.170 కోట్లు
3. విరాట్ కొహ్లీ - రూ.100.72 కోట్లు
4. అక్షయ్ కుమార్ - రూ.98.25 కోట్లు
5. సచిన్ టెండూల్కర్ - రూ.82.50 కోట్లు
6. అమీర్ ఖాన్ - రూ.68.75 కోట్లు
7. ప్రియాంక చోప్రా - రూ.68 కోట్లు
8. ఎం.ఎస్.ధోని - రూ.63.77 కోట్లు
9. హృతిక్ రోషన్ - రూ.63.12 కోట్లు
10. రవీణ్‌వీర్ సింగ్‌ - 62.63 కోట్లు