సల్మాన్ ఖాన్‌ని వెంటాడుతున్న 'వేట' కేసు

సల్మాన్ ఖాన్‌ని కృష్ణజింకల వేట కేసు ఇంకా వెంటాడుతూనే వుంది. తాజాగా శుక్రవారం సల్మాన్ ఖాన్‌కి ఇదే కేసుకు సంబంధించి సుప్రీం కోర్టు నోటీసులు జారీ చేసింది. ఈ కేసులో సల్మాన్ నిర్ధోషి అని రాజస్థాన్ హైకోర్టు తీర్పు ఇచ్చినప్పటికీ... ఆ తీర్పుని సవాలు చేస్తూ సుప్రీం కోర్టుకి వెళ్లిన ఆ రాష్ట్ర ప్రభుత్వం సల్మాన్‌ని లొంగిపొమ్మని ఆదేశాలు జారీ చేయాల్సిందిగా అక్టోబర్ 19న సుప్రీం కోర్టులో ఓ పిటీషన్ దాఖలు చేసింది.

ఈ పిటీషన్‌ని విచారణకు స్వీకరించిన సుప్రీం కోర్టు.. దీనిపై వివరణ ఇస్తూ అఫిడవిట్ దాఖలు చేయాల్సిందిగా సల్మాన్‌కి నోటీసులు జారీ చేసింది.