‘మన్యం పులి’పై కన్నేసిన సల్మాన్ ఖాన్!

బాలీవుడ్ కండల వీరుడు సల్మాన్ ఖాన్ మరో రీమేక్ సినిమాకు ప్లాన్ చేస్తున్నాడు. మలయాళ స్టార్ హీరో మోహన్‌లాల్ నటించిన బ్లాక్ బస్టర్ ‘పులిమురుగన్’ తెలుగులో ‘మన్యం పులి’ పేరుతో వచ్చిన విషయం తెలసిందే. ఇప్పుడు ఈ సినిమాను హిందీలో రీమేక్ చేయాలని సల్మాన్ భావిస్తున్నాడట. ‘ట్యూబ్‌లైట్’ ప్రమోషన్‌లో బిజీగా ఉన్న సల్మాన్ ‘పులిమురుగున్’ సినిమా చూడాలని నిశ్చయించుకున్నాడు. ఈ మేరకు దుబాయ్‌లో మీడియాకు సల్మాన్ వెల్లడించాడు.

తన ‘బాడీగార్డ్’ సినిమాకి దర్శకత్వం వహించిన సిద్ధిఖీని కాంటాక్ట్ చేయడానికి ప్రయత్నిస్తున్నట్లు సల్మాన్ చెప్పాడు. దీన్ని బట్టి చూస్తుంటే ‘మన్యం పులి’గా సల్మాన్ కనిపించడం ఖాయంగా అనిపిస్తోంది. సల్మాన్‌కి సౌత్ సినిమాలను రీమేక్ చేయడం కొత్తేమీ కాదు. గతంలో వచ్చిన ‘బాడీగార్డ్’, ‘క్యోన్ కి’ మలయాళ సినిమాలకు రీమేక్‌లే. అలాగే తెలుగులో సూపర్ హిట్ అయిన రవితేజ ‘కిక్’.. రామ్ ‘రెడీ’ సినిమాలను హిందీలో రీమేక్ చేసి సల్మాన్ సక్సెస్ అయ్యాడు. ఇప్పుడు మరో సౌత్ సినిమాపై మన కండల వీరుడు కన్నేశాడు.