సెల్ఫీ కోసం హీరో కారు వెంట పడి..

అభిమాన తారలు కనిపిస్తే.. వారితో సెల్ఫీ దిగడానికి పడే పాట్లు అన్నీ ఇన్నీ కావు. సెల్ఫీ దిగడానికి కొన్నిసార్లు ఎలాంటి సాహసాలకైనా వెనకాడటం లేదు అభిమానులు. న్యూయార్క్‌లో సల్మాన్ ఖాన్ ఫ్యాన్ అయిన ఓ యువతి కూడా ఇలాగే చేసింది. తన అభిమాన హీరో కారులో వెళుతుండాగా చూసిన ఆమె.. ఆ కారు వెంట కొంత దూరం పరుగు తీసింది. రన్నింగ్‌లోనే సెల్ఫీ తీసుకుంది. ఆమె అభిమానానికి ముగ్ధుడైన ఆ హీరో కూడా ఓ స్మైల్ లుక్ ఇచ్చి ఆమెను సంతోషపరిచాడు.

ఐఫా ఉత్సవాల కోసం బాలీవుడ్ హీరో సల్మాన్‌ ఖాన్ న్యూయార్క్ వెళ్లిన విషయం తెలిసిందే. అక్కడ సల్మాన్ కారులో వెళుతుండగా చూసిన అనఘా ఫాల్గునే తన మొబైల్‌ ద్వారా సెల్ఫీ తీసుకుంది. ఆమె సల్మాన్‌తో తీసుకున్న ఆ సెల్ఫీని ట్విట్టర్‌లో పోస్ట్ చేసింది. సోషల్‌ మీడియాలో ఇప్పుడిది హాట్ టాపిక్‌గా మారింది. మరోవైపు సల్మాన్ ఖాన్ తన మాజీ ప్రేయసి కత్రినా కైఫ్‌తో కలిసి ఐఫా ఉత్సవాల్లో ప్రత్యేక ఆకర్షణగా నిలిచాడు.
Thanks for this ...the "run" in -#nyc #iifanewyork2017 #iifa was worth it 😝❤️❤️❤️😘😍😍😍 pic.twitter.com/awwaUGvbUP — Anagha Phalgune (@anagha_01) July 14, 2017