నేడు సమంత, చైతూల పెళ్లి.. మళ్లీ..!

ఎవరికైనా పెళ్లి ఒకసారి జరిగే మధురానుభూతి. కానీ నాగచైతన్య, సమంతలకు పెళ్లి.. రెండో మధురానుభూతిగా కూడా నిలవనుంది. అంగరంగ వైభవంగా ఒక సారి కాదు... రెండో సారి పెళ్లి చేసుకోవడానికి వీరు సిద్ధం అవుతున్నారు. కొన్ని గంటల వ్యత్యాసంతో వీరి పెళ్లి మరోసారి జరగనుంది. మొదటి సారి హిందూ సంప్రదాయంలో వీళ్ల ముడిపడగా, ఇప్పుడు క్రైస్తవ సంప్రదాయ పద్ధతిలో ఈ జంట ఒకటి కానుంది.

శుక్రవారం రాత్రి 11.52 గంటలకు హిందూ సాంప్రదాయ పద్ధతిలో సమంత మెడలో మూడు ముళ్లు వేశాడు నాగచైతన్య. గోవాలోని 'డబ్ల్యూ' హోటల్ చైతూ-సమంత వివాహ వేడుక ఘనంగా జరిగింది. ఇక క్రైస్తవ పద్ధతిలో చర్చిలో, ఉంగరాలు మార్చుకుని వివాహం చేసుకోవడానికి ఈ జంట సమాయత్తం అవుతోంది.

నేటి సాయంత్రం ఐదున్నర నుంచి ఆరున్నరల మధ్య వీరి వివాహం జరగనుంది. గోవాలోని చర్చిలోనే వీరి పెళ్లి జరగనుంది. నిన్న హిందూ సంప్రదాయ దుస్తుల్లో వీరి పెళ్లి చేసుకోగా.. నేడు క్రిస్టియన్ సంప్రదాయం ప్రకారం వివాహమాడనున్నారు.

ప్రేమించుకుని, పెద్దలను ఒప్పించుకుని పెళ్లి చేసుకోవడమే కాదు... ఇరు మత సంప్రదాయాలకు అనుగుణంగా పెళ్లి చేసుకొంటూ సమంత, నాగచైతన్యల జంట ఆదర్శంగా నిలుస్తోంది.