Samantha Akkineni Celebrates Tamannaah's 15 Years In Industry
తమన్నా కెరీర్కు 15 ఏళ్లు.. సమంత తనకు స్ఫూర్తి అంటోన్న మిల్కీ బ్యూటీ
మిల్కీ బ్యూటీ తమన్నా సినీ పరిశ్రమలోకి అడుగుపెట్టి 15 ఏళ్లు పూర్తయింది. 15 ఏళ్ల వయసులోనే తమన్నా సినిమా కెరీర్ను మొదలుపెట్టారు. 2015లో ‘చాంద్ సా రోషన్ చెహ్రా’ అనే హిందీ సినిమాతో ఆమె వెండితెరకు పరిచయమయ్యారు. అదే సంవత్సరం ‘శ్రీ’ సినిమాతో టాలీవుడ్లో అడుగుపెట్టారు. అయితే, ‘హ్యాపీడేస్’ సినిమాతో తమన్నాకు మంచి గుర్తింపు వచ్చింది. ఇక ఆ తరవాత తమన్నా వెనుదిరుగి చూడలేదు. తెలుగు, తమిళంలో బిజీ స్టార్గా మారిపోయారు.
Samayam Telugu4 Mar 2020, 3:06 pm
మిల్కీ బ్యూటీ తమన్నా సినీ పరిశ్రమలోకి అడుగుపెట్టి 15 ఏళ్లు పూర్తయింది. 15 ఏళ్ల వయసులోనే తమన్నా సినిమా కెరీర్ను మొదలుపెట్టారు. 2015లో ‘చాంద్ సా రోషన్ చెహ్రా’ అనే హిందీ సినిమాతో ఆమె వెండితెరకు పరిచయమయ్యారు. అదే సంవత్సరం ‘శ్రీ’ సినిమాతో టాలీవుడ్లో అడుగుపెట్టారు. అయితే, ‘హ్యాపీడేస్’ సినిమాతో తమన్నాకు మంచి గుర్తింపు వచ్చింది. ఇక ఆ తరవాత తమన్నా వెనుదిరుగి చూడలేదు. తెలుగు, తమిళంలో బిజీ స్టార్గా మారిపోయారు.
సమంత స్పెషల్ విషెస్
తమన్నా 15 ఏళ్ల సినీ కెరీర్ను పూర్తిచేసుకున్న సందర్భంగా ఆమెను అభినందిస్తూ సమంత అక్కినేని ట్వీట్ చేశారు. ‘‘15 అద్భుతమైన సంవత్సాలు.. అత్యంత అందమైన ముఖాల్లో ఒకటి.. తమన్నా బాగా కష్టపడే, నిజాయతీ గల వ్యక్తిగా నాకు తెలుసు. తెరపై ఆమె ఒక టపాకాయ్లా ఉంటుంది. ఆమె చూస్తున్నప్పుడు మీరు చూపు తిప్పుకోలేరు. కంగ్రాట్యులేషన్స్ డార్లింగ్’’ అని సమంత ట్వీట్లో పేర్కొన్నారు. అంతేకాదు, #15YearsOfTAMANNAAH హ్యాష్ ట్యాగ్తో కామన్ డీపీని కూడా ట్వీట్లో పొందుపరిచారు.
నువ్వే నాకు స్ఫూర్తి
సమంత ట్వీట్కు తమన్నా స్పందించారు. నువ్వే నాకు స్ఫూర్తి అంటూ సమంతపై తన అభిమానాన్ని చాటుకున్నారు. ‘‘సమంత, నువ్వు చేసిన ప్రతి పనీ నాకు ఒక స్ఫూర్తి. మంచి పాత్రలను ఎంపిక చేసుకుని, వాటిని దృఢవిశ్వాసం పోషించి కెరీర్ను నువ్వు మలుచుకున్న తీరు స్ఫూర్తిదాయకం. నాకు ఇంత చేసిన నీకు కేవలం థ్యాంక్స్ చెప్పితే సరిపోదు’’ అని తమన్నా తన ట్వీట్ చేశారు.
Twitter-Tamannaah Bhatia
శుభాకాంక్షల వెల్లువ
తమన్నా 15 ఏళ్ల సినీ కెరీర్ను పూర్తిచేసుకున్న సందర్భంగా ఆమెకు శుభాకాంక్షలు వెల్లువెత్తుతున్నాయి. తెలుగు, తమిళ ఇండస్ట్రీకి చెందిన ప్రముఖులు ఆమెకు అభినందనలు తెలుపుతున్నారు. తమన్నా ఎంతో కష్టపడే అమ్మాయి అని కొనియాడుతున్నారు. సౌత్లో స్టార్ హీరోయిన్లలో ఒకరిగా ఎదగడం అంటే మామూలు విషయం కాదని ప్రశంసిస్తున్నారు. ఇక తమన్నా అభిమానులైతే సోషల్ మీడియాలో కామన్ డీపీని పెట్టుకుని ఆనందపడుతున్నారు.
Twitter-Tamannaah Bhatia
Twitter-Tamannaah Bhatia
Twitter-Tamannaah Bhatia
50 సినిమాలు.. ఎన్నో మంచి పాత్రలు
తమన్నా ఇప్పటి వరకు తెలుగు, తమిళం, కన్నడ, హిందీ భాషల్లో కలుపుకుని 50 సినిమాలు చేశారు. వీటిలో చాలా సినిమాలు స్టార్ హీరోల సరసన చేశారు. చరిత్రలో గుర్తుండిపోయే పాత్రలు కూడా చాలానే ఉన్నాయి. ‘100% లవ్’, ‘కెమెరామెన్ గంగతో రాంబాబు’, ‘బాహుబలి’, ‘ఊపిరి’, ‘అభినేత్రి’, ‘నా నువ్వే’, ‘నెక్ట్స్ ఏంటి?’, ‘సైరా’, ‘యాక్షన్’ వంటి చిత్రాల్లో తమన్నా నటన ప్రత్యేక ఆకర్షణగా నిలిచింది. కేవలం హీరోయిన్గా మాత్రమే కాకుండా స్పెషల్ సాంగ్స్తోనూ తన ప్రత్యేకతను చాటుకున్నారు తమన్నా. స్టార్ హీరోల సినిమాల్లో తమన్నా చేసే స్పెషల్ సాంగ్స్ హైలైట్గా నిలిచాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.