Samantha: అన్నింటికీ కారణం నువ్వే అంటూ రానా భార్య మిహీక భావోద్వేగం.. సమంత క్రేజీ రియాక్షన్

నవ దంపతులు దగ్గుబాటి రానా- మిహీక బజాజ్ మ్యారేజ్ లైఫ్ ఎంజాయ్ చేస్తున్నారు. త‌న ప్రేమ‌కి గ్రీన్ సిగ్న‌ల్ లభించిందని పేర్కొంటూ ప్రేయసి మిహికా బజాజ్‌ని ప్రేక్షకులకు పరిచయం చేసిన రానా.. గత వారం (ఆగస్టు 8వ తేదీ) ఆమె మెడలో మూడుముళ్ళేసి భార్యగా ప్రమోషన్ ఇచ్చేశారు. హైదరాబాద్‌లోని రామానాయుడు స్టూడియోలో అతికొద్ది మంది సన్నిహితుల మధ్య వీరి వివాహం జరిగింది. అయితే రానాను భర్తగా పొంది వారం రోజులు గడిచిన తర్వాత సోషల్ మీడియాలో ఓ స్వీట్ మెసేజ్ పోస్ట్ చేసి అందరినీ ఆకర్షించింది మిహీకా బజాజ్.

''నా ప్రేమ, నా జీవితం, నా ఆత్మ, నా శరీరం అన్నీ నువ్వే. నా జీవితంలో పూర్తి భాగమై నా లైఫ్‌కు అర్థం చేకూర్చినందుకు ప్రత్యేక కృతజ్ఞతలు. ఇంతకన్నా మించి నేను ఏ కలలు కనలేదు. నా వ్యక్తిగత జీవితాన్ని కూడా సంపూర్ణంగా మార్చిన వ్యక్తివి నువ్వే.. ఐ లవ్ యూ'' అంటూ తన ఇన్స్‌స్టాగ్రామ్‌లో రానాపై ఉన్న ప్రేమను తెలిపేలా భావోద్వేగ పూరిత పోస్ట్ పెట్టింది మిహీక. దీంతో ఈ పోస్ట్ వెంటనే వైరల్ అయింది.

Also Read: మెగా బ్యాచిలర్స్ పెళ్లిళ్లపై రామ్ చరణ్ రియాక్షన్.. వరుణ్, సాయి తేజ్‌ మ్యారేజెస్‌పై ఓపెన్ కామెంట్స్

ఇక మిహీక పెట్టిన ఈ ఎమోషనల్ పోస్ట్ చూసి రానా అభిమానులతో పాటు టాలీవుడ్ స్టార్ హీరోయిన్ సమంత, వెంకటేష్ కూతురు ఆశ్రిత రియాక్ట్ అయ్యారు. 'నీ మాటలు చాలా మధురం మిహీకా' అంటూ సింపుల్ అండ్ క్రీజీ కామెంట్ చేసింది సమంత. ఇక.. మీ ఫోటో చూస్తుంటే మీ ఇద్దరి మధ్య ఉన్న ప్రేమ స్పష్టంగా కనిపిస్తోందని వెంకీ కూతురు ఆశ్రిత పేర్కొంది. మరోవైపు పెళ్ళై వారం రోజులు గడిచి పోయినా సోషల్ మీడియా అంతా రానా పెళ్లి ఫొటోలతో హోరెత్తిపోతోంది.

కాగా.. మిహికా బజాజ్, వెంకీ కూతురు అశ్రిత బాగా క్లోజ్ ఫ్రెండ్స్ అని, ఆ కారణం గానే మిహికాతో రానాకు పరిచయం ఏర్పడి ఆ పరిచయం ప్రేమగా మారి పెళ్లి దాకా వెళ్లిందని తెలిసింది. కేవలం కొద్దిమంది కుటుంబ సభ్యుల మధ్యే ఒక్కటైన రానా- మిహీక ఈ కరోనా మహమ్మారి ఉదృతి తగ్గగానే టాలీవుడ్ ప్రముఖులందరికీ గ్రాండ్ పార్టీ ఇవ్వనున్నారు.