చైతూకు బర్త్ డే విషెస్ చెప్పనంటోన్న సమంత

నవంబర్ 23న అక్కినేని నాగచైతన్య బర్త్ డే. సమంతను పెళ్లాడిన తర్వాత చైతూ జరుపుకొంటున్న తొలి పుట్టిన రోజు ఇది. ఈ నేపథ్యంలో తన భర్తకు సమంత ఏ గిఫ్ట్ ఇస్తుంది, ఎలా శుభాకాంక్షలు చెబుతుందనే విషయంలో ఆసక్తి నెలకొంది. కానీ సామ్ మాత్రం చైతూకు బర్త్ విషెస్ కూడా చెప్పనంటోంది. వీరిద్దరూ టాలీవుడ్‌లోనే బెస్ట్ పెయిర్ అనొచ్చు. అలాంటిది.. తనను మాయ చేసిన చైతూకు సామ్ పుట్టిన రోజు సందర్భంగా కనీసం విష్ చేయకపోవడం ఏంటని అనుకుంటున్నారా..?

అది సమంత మనసులో మాటే. ‘హ్యాపీ బర్త్ డే మై ఎవ్రీథింగ్. నేను విష్ చేయను. నీ కోరికలు నెరవేరాలని ప్రతి రోజూ నేను దేవుణ్ని కోరుకుంటున్నా. ఐ లవ్ యూ ఫరెవర్’ అని సమంత ఇన్‌స్టాగ్రామ్‌లో తమ పెళ్లినాటి ఫొటోను ఉంచింది. దానికి హ్యపీ బర్త్‌ డే చై అనే హ్యాష్ ట్యాగ్ యాడ్ చేసింది. మనసులో భర్త మీద అంత ప్రేమ ఉన్నప్పుడు.. ఇక ప్రత్యేకంగా విష్ చేయడం దేనికి. చైతూకు సమంత ప్రేమ చాలదు.. చైతన్య బర్త్ డై సందర్భంగా.. ఆయన నటించిన సవ్యసాచి ఫస్ట్ లుక్ పోస్టర్‌ను బుధవారం రిలీజ్ చేశారు.