‘రాజుగారి గది 2’లో సమంత లుక్ బయటికి..!

నాగార్జున ప్రధాన పాత్రలో నటిస్తున్న ‘రాజుగారి గది 2’ సినిమా టాలీవుడ్‌‌లో ప్రస్తుతం ఆసక్తి రేకెత్తిస్తోంది. ఇటీవల సమంతను కూడా ఈ సినిమాలో మరో కీలక పాత్ర కోసం ఎంచుకున్న చిత్ర యూనిట్ తాజాగా ఆమెతో షూటింగ్ కూడా మొదలుపెట్టిసినట్లు తెలుస్తోంది. నల్లచీర కట్టుకుని విరహ వేదనతో ఓరగా చూస్తున్న సమంత ఫొటో ప్రస్తుతం నెటిజన్లను తెగ ఆకర్షిస్తోంది.

తీరా చూస్తే.. ఈ ఫొటోను సమంతనే స్వయంగా తన సోషల్ మీడియా అకౌంట్లలలో పోస్ట్ చేసింది. రాజుగారి గది 2 సినిమా షూటింగ్‌ ప్రస్తుతం జరుగుతోందంటూ అందులో రాసుకొచ్చింది. అయితే ఫొటోలో తన హాఫ్ లుక్‌ను మాత్రమే బయటపెట్టిన ఈ చిన్నది పూర్తి రూపం ఎలా ఉందో మాత్రం బహిర్గతం చేయలేదు. నాగార్జున సూచన మేరకు ఇలా చేసుంటుందని అందరూ భావిస్తున్నారు. మామా కోడళ్లు ఈ కామెడీ హర్రర్ మూవీని బాగానే ప్రమోట్ చేస్తున్నారంటున్నారు నెటిజన్లు. ఇటీవలే నాగచైతన్యతో సమంతకి నిశ్చితార్థమైన విషయం తెలిసిందే.